રી-લોન્ચ થયું રિલાયન્સ એન્ટરટેનમેન્ટનું બિગફ્લિક્સ, એક મહિના ફ્રીમાં જોઈ શકાશે ફિલ્મો

બિગફ્લિક્સની સ્પર્ધા એમેઝોન પ્રાઈમ અને નેટફ્લિક્સ સાથે થશે. આ કંપની પહેલેથી જ ભારતમાં બજારમાં પોતાની સેવાઓ આપી રહી છે. બિગફ્લિક્સની સ્પર્ધા હોટસ્ટાર સાથે પણ છે.

બિગફ્લિક્સની સ્વદેશમાં વિકિસત ટેકનીક ગ્રાહકોને કોઈ વ્યક્તિગત થિએટર જેવો અનુભવ કરાવશે. તેના દ્વારા તે પોતાના પર્સનલ કોમ્પ્યૂટર, ટેબલેટ, સ્માર્ટફોન, સ્માર્ટ ટીવી અથવા ગેમ કન્સોલ જેવા કોઈપણ મનોરંજનવાળા ડિવાઈસની મદદથી કોઈપણ જાહેરાત વગર ફિલ્મ ડાઉનલોડ કરીને તેનું સ્ટ્રીમિંગ પણ કરી શકશે.

નવી દિલ્હીઃ અનિલ અંબાણીની રિલાયન્સ એન્ટરટેનમેન્ટે ઓનલાઈમ મૂવી પ્લેટફોર્મ બિગફ્લિક્સને વૈશ્વિક સ્તરે રી-લોન્ચિંગ કર્યું છે. રિલાયન્સ એન્ટરટેનમેન્ટ અનુસાર, ભારત સહિત અન્ય દેશના બજારો માટે મલ્ટી-લિન્ગુઅલ અવતારની સાથે બિગફ્લિક્સને 9 ભાષાઓમાં રજૂ કરવામાં આવ્યું છે. બિગફ્લિક્સ માટે ગ્રાહકોએ દર મહિને 50 રૂપિયા આપવા પડશે, ત્યાર બાદ તે આ સર્વિસનો લાભ લઈ શકશે. આ લોન્ચની સાથે જ કંપનીનો ઉદ્દેશ પાયરેસી અને ખરાબ ગુણવત્તાવાળી ફિલ્મનો અંત આણવાનો છે.

કંપની પોતાના નવા યૂઝર્સને 1 મહિના માટે હાલમાં ફ્રી સબ્સક્રિપ્શન આપી રહી છે. બિગફ્લિક્સની વેબસાઈટ અને એપ દ્વારા યૂઝર્સ ટ્રેલર ફ્રીમાં જોઈ શકે છે. નવા બિગફ્લિક્સમાં 9 ભારતીય ભાષાઓની 2,000 એચડી ફિલ્મ હશે, જેમાં હિન્દી, તેલુગુ, તમિલ, પંજાબી, મલયાલમ, ગુજરાતી, મરાઠી, ભોજપુરી અને બાંગલા ભાષાઓની ફિલ્મ સામેલ છે.