Suicide: એક પરિવારના 4 લોકોએ આ કારણે કર્યો આપઘાત, સુસાઇડ નોટ હતી વ્હોટસઅપ

રાજધાની ભોપાલમાં એક જ પરિવારના 4 લોકોએ આત્મહત્યા કરી લીધી છે. ભોપાલ શહેરના રતીબાદ પોલીસ સ્ટેશન વિસ્તારમાં એક પરિવાર દ્વારા સામૂહિક આત્મહત્યા કરવાનો શહેરમાં એક સનસનીખેજ મામલો સામે આવ્યો છે. મૃતકોમાં પતિ-પત્ની ઉપરાંત બે બાળકોનો પણ સમાવેશ થાય છે.

સુસાઇડ કરતા પહેલા લીધી સેલ્ફી

Suicide:રાજધાની ભોપાલમાં એક જ પરિવારના 4 લોકોએ આત્મહત્યા કરી લીધી છે. ભોપાલ શહેરના રતીબાદ પોલીસ સ્ટેશન વિસ્તારમાં એક પરિવાર દ્વારા સામૂહિક આત્મહત્યા કરવાનો શહેરમાં એક સનસનીખેજ મામલો સામે આવ્યો છે. મૃતકોમાં પતિ-પત્ની ઉપરાંત બે બાળકોનો પણ સમાવેશ થાય છે. ઘરના એક રૂમમાં દંપતીના મૃતદેહ લટકેલા મળી આવ્યા હતા.

ભૂપેન્દ્રના મોટા ભાઈ નરેન્દ્ર વિશ્વકર્માએ જણાવ્યું કે, તેણે મોડી રાત્રે બંને બાળકો અને પત્ની સાથે સેલ્ફી લીધી હતી. ઠંડા પીણા (માઝા)માં સલ્ફાસ ભેળવી બંને બાળકોને પીવડાવ્યું. આ પછી ભૂપેન્દ્ર અને તેની પત્ની રીતુ બાળકો પાસે બેઠાં રહ્યાં. જ્યારે બંને બાળકોના મોત થયાની પુષ્ટિ થઈ ત્યારે ભૂપેન્દ્રએ બે દુપટ્ટા બાંધીને એક સાથે ફાંસી આપી હતી. નરેન્દ્ર વિશ્વકર્માએ જણાવ્યું કે ભૂપેન્દ્રના ઘરેથી સલ્ફાના છ પેકેટ મળી આવ્યા છે.

વોટ્સએપ પર સવારે 4 વાગે ભત્રીજીને સુસાઈડ નોટ મોકલી

ભૂપેન્દ્ર વિશ્વકર્માએ ગુરુવારે સવારે 4 વાગ્યે તેની ભત્રીજી રિંકી વિશ્વકર્માને વોટ્સએપ પર એક સુસાઈડ નોટ મોકલી હતી. પત્ની અને બંને બાળકો સાથે સેલ્ફી પણ મોકલી હતી. આ ફોટોનું કેપ્શન લખ્યું- આ મારો છેલ્લો ફોટો છે. આજ પછી અમે ફરી ક્યારેય એકબીજાને જોઈશું નહીં. રિંકીએ સવારે 6 વાગ્યે આ ફોટા અને સુસાઈડ નોટ જોઈ અને પરિવારના સભ્યોને જાણ કરી.

દેવુ વધી જતાં  કંટાળીને આ પગલું ભર્યું

પોલીસને ઘટનાસ્થળેથી એક સુસાઈડ નોટ મળી છે, જેમાં તે દેવાથી પરેશાન હોવાનો ઉલ્લેખ કરવામાં આવ્યો છે. ફાંસી આપતા પહેલા દંપતીએ સગાસંબંધીઓના મોબાઈલ પર વોટ્સએપ, ટેલિગ્રામ એપ દ્વારા સુસાઈડ નોટ મોકલી હતી. સ્યુસાઈડ નોટમાં દંપતિએ દેવાના કારણે પોતાનો જીવ આપી દીધો હોવાનું લખ્યું હતું. હાલ પોલીસે ચારેયના મૃતદેહનો કબજો મેળવી તપાસ શરૂ કરી છે.

અશ્લીલ વીડિયો વાયરલ કરવાની ધમકી આપી હતી

પંકજ વિશ્વકર્માએ જણાવ્યું કે, ભૂપેન્દ્ર મોટા પિતાનો પુત્ર હતો.  તે એક  સાયબર ક્રાઈમ ફસાયો હતો.  તેનો મોબાઈલ અને કંપનીમાંથી મળેલું લેપટોપ હેક કરવામાં આવ્યું હતું. તેના મોબાઈલમાં રહેલા તમામ કોન્ટેક્ટ નંબર પર તેના અશ્લીલ વીડિયો અને ફોટા વાયરલ કરવામાં આવ્યા હતા. ધાકધમકી આપી પૈસાની માંગણી કરતા હતા. ભાઈએ 4 થી 5 દિવસ પહેલા વોટ્સએપ સ્ટેટસ પણ મુક્યું હતું કે આ મેસેજ મારા દ્વારા મોકલવામાં આવતો નથી. તમે તેને અવગણશો.