CRIME NEWS: જામનગરમાં 4 વર્ષની બાળકી સાથે નેપાળી યુવકે કર્યા અડપલા, પોલીસે પોક્સો હેઠળ કરી કાર્યવાહી

CRIME NEWS: જામનગરમાં ચાર વર્ષની બાળકી સાથે શારીરિક છેડછાડ ઘટના સામે આવતા ચકચાર મચી ગઈ છે. ચાર વર્ષની બાળકી સાથે શારીરિક છેડછાડ કરનાર આરોપી નેપાળનો રહેવાસી હોવાની વાત સામે આવી છે.

સજન નામના નેપાળી શખ્સની પોલીસે અટકાયત કરી

CRIME NEWS: જામનગરમાં ચાર વર્ષની બાળકી સાથે શારીરિક છેડછાડ ઘટના સામે આવતા ચકચાર મચી ગઈ છે. ચાર વર્ષની બાળકી સાથે શારીરિક છેડછાડ કરનાર આરોપી નેપાળનો રહેવાસી હોવાની વાત સામે આવી છે. પરિવારની ફરિયાદ બાદ પોલીસ તાત્કાલિક એક્શનમાં આવી હતી અને આરોપી સામે પોકસો સહિતની કલમ હેઠળ સીટીસી ડિવિઝન  પોલીસે કાર્યવાહી હાથ ધરી છે. નાની બાળકી પર જાતિય હુમલાની ઘટનાથી સમગ્ર વિસ્તારમાં ખળભળાટ મચી ગયો છે. સજન નામના નેપાળી શખ્સની પોલીસે અટકાયત કરી આગળની કાર્યવાહી હાથ ધરી છે.

બેંગલુરૂમાં ટોચના બિઝનેસમેને કર્યો આપઘાત

કર્ણાટકની રાજધાની બેંગલુરુમાં એક 47 વર્ષીય બિઝનેસમેને ગોળી મારીને આત્મહત્યા કરી. સુસાઈડ નોટમાં બિઝનેસમેને પોતાના મૃત્યુ માટે ભાજપના ધારાસભ્ય અરવિંદ લિંબાવલી સહિત છ લોકોને જવાબદાર ઠેરવ્યા છે.

બિઝનેસમેને લોન ચુકવવા ઘર, જમીન વેચવા પડ્યા

એસ પ્રદીપ તરીકે ઓળખાતા આ વ્યક્તિએ 2018માં બેંગલુરુની એક ક્લબમાં 1.2 કરોડ રૂપિયાનું રોકાણ કર્યું હતું અને બે લોકોએ નોટમાં તેનું નામ લખ્યું હતું. તેણે ક્લબમાં કામ કરવા બદલ પગાર સહિત દર મહિને ત્રણ લાખ રૂપિયા પરત કરવાનું વચન આપ્યું હતું. જોકે, પૈસા લીધા બાદ ગોપી અને સોમૈયા નામના બે શખ્સોએ ઘણા મહિનાઓ સુધી પ્રદીપને પૈસા પરત કરવાની ના પાડી હતી. નોટમાં એમ પણ કહેવામાં આવ્યું છે કે પ્રદીપે વ્યાજની ચુકવણી કરવા માટે ઘણી લોન લેવી પડી હતી અને પેમેન્ટ કરવા માટે પોતાનું ઘર અને ખેતીની જમીન પણ વેચવી પડી હતી .

માનસિક ત્રાસ

ઘણી આજીજી કર્યા બાદ પણ તમામ લોકોએ પ્રદીપને પૈસા પરત કર્યા ન હતા. તેથી, પ્રદીપ આ મુદ્દો ભાજપના ધારાસભ્ય અરવિંદ લિંબાવલી પાસે લઈ ગયો. ધારાસભ્યએ પ્રદીપના પૈસા પરત કરવા માટે બંને સાથે વાત કરી હતી, પરંતુ તેઓએ કહ્યું હતું કે તેઓ માત્ર 90 લાખ રૂપિયા જ પરત કરશે. સુસાઈડ નોટમાં ડોક્ટર જયરામ રેડ્ડી પર પ્રદીપના ભાઈની મિલકત વિરુદ્ધ સિવિલ કેસ દાખલ કરવાનો અને પ્રદીપને માનસિક ત્રાસ આપવાનો અને હેરાન કરવાનો આરોપ પણ મૂકવામાં આવ્યો છે. નોટના અંતે જે છ લોકોના નામ લખવામાં આવ્યા છે તે આટલું મોટું પગલું ભરવા માટે કોણ જવાબદાર છે. તેણે બીજેપી ધારાસભ્ય અરવિંદ લિમ્બાવલીનું નામ પણ છે અને તેના પર પ્રદીપના પૈસા પાછા ન આપવાનો આપવાનો આરોપ લગાવ્યો છે.

મૃતકની કારમાંથી સ્યુસાઈડ નોટ મળી આવી 

પ્રદીપ રવિવારે બેંગલુરુના નેટીગેરે ગામમાં તેના માથામાં ગોળી વાગતા મૃત હાલતમાં મળી આવ્યો હતો. પોલીસના જણાવ્યા અનુસાર તેમની કારમાંથી સુસાઈડ નોટ મળી આવી છે અને તેમાં ભાજપના ધારાસભ્ય સહિત છ લોકોના નામ છે. પોલીસે ગુનો નોંધી આગળની કાર્યવાહી હાથ ધરી છે.