Delhi Pandav Nagar Murder: દિલ્હીમાં શ્રદ્ધા જેવી બીજી ઘટના, પુત્ર સાથે મળી મહિલાએ પતિના કર્યા 22 ટુકડા...
દિલ્હીમાં શ્રદ્ધા હત્યા કેસ જેવો વધુ એક સનસનીખેજ મામલો સામે આવ્યો છે. પોલીસે આશરે 6 મહિના પહેલા પાંડવ નગરમાંબનેલી ઘટનાનો ભેદ ઉકેલી દીધો છે. સાથે જ બેની ધરપકડ કરી છે.
Pandav Nagar murder: રાજધાની દિલ્હીમાં શ્રદ્ધા હત્યા કેસ જેવો વધુ એક સનસનાટીભર્યો મામલો સામે આવ્યો છે. જો કે આ વખતે જેની હત્યા કરવામાં આવી હતી તે પુરુષ હતો. માતાએ પોતાના પુત્ર સાથે મળીને તેના જ પતિની હત્યા કરી દીધી અને 22 ટુકડા કરી ફ્રીજમાં સાચવી રાખી ધીરે ધીરે એક પછી એક ટુકડાનો નિકાલ કરી દીધો. જો કે આ ઘટનાના કેટલાક સીસીટીવી સામે આવ્યા છે જેમાં મહિલા પોતાના પુત્ર સાથે પતિની લાશના ટુકડાનો નિકાલ કરતી જોવા મળી રહી છે.
A woman along with her son arrested by Crime Branch in Delhi's Pandav Nagar for murdering her husband. They chopped off body in several pieces,kept in refrigerator & used to dispose of pieces in nearby ground: Delhi Police Crime Branch
— ANI (@ANI) November 28, 2022
(CCTV visuals confirmed by police) pic.twitter.com/QD3o5RwF8X
પત્નીએ કરી પતિની હત્યા
મળતી માહિતી મુજબ દિલ્હી પોલીસની ક્રાઈમ બ્રાન્ચે પૂર્વ દિલ્હીમાં માનવ શરીરના ટુકડા મળવાનો ભેદ ઉકેલી નાખ્યો છે. આ કેસમાં મહિલા સહિત 2 આરોપીઓની ધરપકડ કરવામાં આવી છે. પકડાયેલા બંને આરોપીઓની ઓળખ પૂનમ અને દીપક તરીકે થઈ છે. મૃતકનું નામ અંજન દાસ જણાવવામાં આવ્યું છે. પૂનમને પતિ અંજન દાસ પર ગેરકાયદે સંબંધની શંકા હતી. એવું કહેવામાં આવી રહ્યું છે કે આ ગેરકાયદેસર સંબંધોની શંકાને કારણે અંજન દાસને નશાની ગોળીઓ ખવડાવીને તેની હત્યા કરવામાં આવી હતી. પૂનમ અને તેના પુત્ર દીપકે મળીને હત્યાની આ ભયાનક ઘટનાને અંજામ આપ્યો હતો. આ મામલાની તપાસ કરી રહેલી દિલ્હી પોલીસની ક્રાઈમ બ્રાન્ચે તે ફ્રિજ પણ રિકવર કરી લીધું છે. પાંડવ નગરના રહેવાસી અંજન દાસની હત્યા કર્યા બાદ તેની લાશના 22 ટુકડા કરી ઘરની અંદરના રેફ્રિજરેટરમાં સંતાડી દેવામાં આવ્યા હતા. ત્યારબાદ મૃતદેહના ટુકડાને પાંડવ નગર અને પૂર્વ દિલ્હીના અલગ-અલગ વિસ્તારોમાં ફેકી દીધા હતા.
#WATCH | Delhi's Trilokpuri murder case: He (deceased Anjan Das) used to have ill intentions towards my children that's why I did it. My son killed him with a knife, I didn't do it, says accused Poonam pic.twitter.com/C2TWyguOIf
— ANI (@ANI) November 28, 2022
Pandav Nagar murder | Delhi: Visuals of the residence of the accused where they kept the chopped-off body pieces of the victim in the refrigerator. https://t.co/qRSsepJPzq pic.twitter.com/UVNalvLdT9
— ANI (@ANI) November 28, 2022
મહિલાએ પતિની લાશના 22 ટુકડા કર્યા
દિલ્હી પોલીસ દ્વારા જણાવવામાં આવ્યું છે કે 05 જૂન, 2022ના રોજ આ વિસ્તારમાં પેટ્રોલિંગ દરમિયાન પોલીસ કર્મચારીઓને થાણા પાંડવ નગરના 20 બ્લોક કલ્યાણપુરીની સામે રામલીલા મેદાનમાં ઝાડીઓમાંથી દુર્ગંધ આવી રહી હતી. આ માહિતી તાત્કાલિક પાંડવ નગર પોલીસ સ્ટેશનને આપવામાં આવી હતી. માહિતી મળતાં જ એસએચઓ સ્ટાફ સાથે ઘટનાસ્થળે પહોંચ્યા અને માનવ અંગોથી ભરેલી બેગ મળી હતી. આ પછી ક્રાઈમ ટીમ અને એફએસએલની ટીમને બોલાવવામાં આવી હતી અને તપાસ હાથ ધરવામાં આવી હતી.
ટોપ સ્ટોરી
ટ્રેન્ડિંગ સમાચાર
