Gir Somnath : કોડીનારમાં 9 વર્ષની બાળકી પર બળાત્કાર કરી હત્યા કરનાર આરોપીની ધરપકડ, બાળકીના પરિવારે ફાંસીની સજાની માંગ કરી
Gir Somnath News : જંત્રાખાડી ગામે 9 વર્ષની બાળકી પર બળાત્કાર ગુજરી અને બાદમાં બાળકીની હત્યા કરનાર આરોપીએ હેવાનિયતની તમામ હદો વટાવી હતી.
Gir Somnath : ગીર સોમનાથ જિલ્લાના કોડીનાર તાલુકાના જંત્રાખાડી ગામે 9 વર્ષની બાળકી પર બળાત્કાર ગુજરી અને બાદમાં બાળકીની હત્યા કરનાર આરોપીની પોલીસે ધરપકડ કરી છે. આ મૃત બાળકીના મૃતદેહને જામનગર ખાતે પોસ્ટમોર્ટમ થયા બાદ માદરે વતન લવાયો હતો. બાળકીના પરિવાર અને ગ્રામજનોમાં એટલો આક્રોશ હતો કે બાળકીનો મૃતદેહ સ્વીકારવા તૈયાર ન હતા. જો કે બાદમાં જંત્રાખડી ગામ ખાતે બાળકીની દફનવિધિ કરવામાં આવી હતી.
આરોપીએ હેવાનિયતની તમામ હદો વટાવી
જંત્રાખાડી ગામે 9 વર્ષની બાળકી પર બળાત્કાર ગુજરી અને બાદમાં બાળકીની હત્યા કરનાર આરોપીએ હેવાનિયતની તમામ હદો વટાવી હતી. આરોપીના ઘરમાંથી બાળકીનું લોહી, ઉલ્ટી, મળ અને ગુનામાં વપરાયેલ વોરી સહીતના મહત્વના પુરાવા મળી આવ્યાં હતા. પોલીસે FSL અને ડોગ સ્ક્વોડની મદદથી તપાસનો ધમધમાટ શરૂ કર્યો હતો. માનવતાની હદ વટાવી બાળકીને પીખનાર આ હવસખોર આરોપીએ ફોનમાં સેક્સના વિડિઓ જોઈ વિકૃતતાની હદ વટાવી હોવાનું ચર્ચાઈ રહ્યું છે.
આખું ગામ હીબકે ચડ્યું, આરોપીને ફાંસી આપવાની માંગ
9 વર્ષની માસુમ બાળકીને પીંખી નાખી અને હત્યા કરવાની ઘટનામાં સમગ્ર જંત્રાખડી ગામમાં આક્રોશ સાથે શોકનું મોજું ફરી વળ્યું હતું. બાળકીના પરિવારની સ્થિતિ જોઈ આખું ગામ હીબકે ચડ્યું હતું. ગ્રામજનોએ પોલીસ સમક્ષ માંગ કરી હતી કે આ આરોપીનું જાહેરમાં સરઘસ કાઢવાના આવે તો જ આવા ગુનાઓ અટકશે. બાળકીના પરિવારે પોલીસ સમક્ષ ન્યાયની માંગ કરી આ આરોપીને ફાંસીની સજા થાય તેની માંગ કરી છે.
ગઈકાલે મળી આવ્યો હતો બાળકીનો મૃતદેહ
ગીર સોમનાથ જિલ્લાના કોડીનાર તાલુકાના જંત્રાખડી ગામે ગઈકાલે 12 જૂનના રોજ 9 વર્ષની બાળકીનો મૃતદેહ મળી આવતા સમગ્ર પંથકમાં ચકચાર મચી ગઈ હતી. સીમ વિસ્તાર જેવા અવાવરું વિસ્તારમાંથી બાળકીનો મૃતદેહ મળી આવ્યો હતો. ઘટનાની જાણ થતા લોકોના ટોળેટોળા ઉમટી પડ્યા હતા. તો ઘટનાની જાણ થતા પોલીસ પણ ઘટનાસ્થળે દોડી આવી હતી. પોલીસે આ બાળકીના મૃતદેહનો કબ્જો લઇ પોસ્ટ મોર્ટમ માટે મોકલી આપ્યો હતો.
ટોપ સ્ટોરી
ટ્રેન્ડિંગ સમાચાર
