દાઉદથી લઈ સલાહુદ્દીન આ છે દેશના મોસ્ટ વોન્ટેડ આતંકીઓ, દેશમાં ફેલાવી હતી અરાજકતા

આ તમામ આતંકીઓ દેશની તપાસ એજન્સીઓની મોસ્ટ વોન્ટેડ યાદીમાં સામેલ છે. પરંતુ આજદિન સુધી એજન્સીઓની પકડથી દૂર છે.

ફાઈલ તસવીર

આ તમામ આતંકીઓ દેશની તપાસ એજન્સીઓની મોસ્ટ વોન્ટેડ યાદીમાં સામેલ છે. પરંતુ આજદિન સુધી એજન્સીઓની પકડથી દૂર છે.

દાઉદ ઈબ્રાહિમ કાસકરઃ ભારતના મોસ્ટ વોન્ટેડ ગુનેગારોની યાદીમાં દાઉદ ટોપ પર છે. આ આતંકવાદીનું પૂરું નામ દાઉદ ઈબ્રાહિમ કાસકર છે. તપાસ એજન્સીઓનું માનવું છે કે દાઉદ ઈબ્રાહિમ એ આતંકવાદી હતો જેણે 1993ના મુંબઈ સિરિયલ બ્લાસ્ટની ભૂમિકા ભજવી હતી.   

હાફિઝ સઈદઃ જમાત-ઉદ-દાવા જેવા આતંકવાદી સંગઠનનો સંસ્થાપક હાફિઝ સઈદ દેશના મોસ્ટ વોન્ટેડ લિસ્ટમાં બીજા નંબરે છે. હાફિઝ સઈદ 26/11ના મુંબઈ આતંકી હુમલા સહિત 2001ના સંસદ હુમલામાં પણ સામેલ છે. અમેરિકાએ 2012માં તેના પર 10 મિલિયન યુએસ ડોલરનું ઈનામ પણ રાખ્યું છે.

છોટા શકીલઃ અંડરવર્લ્ડ ડોન દાઉદ ઈબ્રાહિમનો જમણો હાથ છોટા શકીલ પણ દાઉદની જેમ 1993ના મુંબઈ સિરિયલ બોમ્બ બ્લાસ્ટનો મુખ્ય આરોપી છે. કહેવાય છે કે છોટા શકીલે જ છોટા રાજન પર થાઈલેન્ડમાં હુમલો કરાવ્યો હતો.

ઇલ્યાસ કાશ્મીરીઃ મહારાષ્ટ્રના પુણેમાં જર્મન બેકરી બોમ્બ બ્લાસ્ટ અને કોલકાતામાં અમેરિકન સેન્ટર પર થયેલા હુમલાનો મુખ્ય આરોપી છે.  ઇલ્યાસ આતંકવાદી સંગઠન અલ કાયદા સાથે સંકળાયેલો છે. પુણે અને કોલકાતાના હુમલા સિવાય તેણે ભારતમાં અન્ય ઘણા આતંકવાદી હુમલાનું કાવતરું ઘડ્યું છે.

સાજિદ મીરઃ સાજિદને ઘણા નામોથી ઓળખવામાં આવે છે. જેમાંથી સાજિદ મીર, મેરે સાજિદ, સાજિદ-માજિદ મુખ્ય છે. સાજિદ લશ્કર-એ-તૈયબાનો કમાન્ડર છે અને મુંબઈ આતંકી હુમલાને અંજામ આપતો હતો.

મેજર ઈકબાલઃ ઈકબાલ દેશના વોન્ટેડ ગુનેગારોની યાદીમાં સામેલ ISIનો અધિકારી છે. મુંબઈ હુમલામાં જુબાની આપનાર ડેવિડ હેડલીએ પણ પૂછપરછ દરમિયાન કબૂલ્યું હતું કે ઈકબાલ હુમલાનો હેન્ડલર હતો.

સૈયદ સલાહુદ્દીનઃ આઈ નેક્સ્ટના અહેવાલ મુજબ 1990 પહેલા સૈયદ સલાહુદ્દીન કાશ્મીરમાં કોંગ્રેસના નેતા હતા. એકવાર તેઓ કાશ્મીર વિધાનસભાની ચૂંટણી પણ લડ્યા હતા પરંતુ તેઓ ચૂંટણી હારી ગયા હતા. ચૂંટણી હાર્યા પછી, 5 નવેમ્બર, 1990 ના રોજ, તે યુસુફ શાહ સૈયદ સલાહુદ્દીન બની ગયો અને હિઝબુલ મુજાહિદ્દીન નામનું સંગઠન બનાવીને કાશ્મીર ઘાટીમાં આતંકવાદી ઘટનાઓને અંજામ આપવાનું શરૂ કર્યું. પઠાણકોટ એરબેઝ સ્ટેશન પર થયેલા હુમલાની જવાબદારી સૈયદ સલાહુદ્દીને લીધી હતી.