Raja Raghuwanshi Murder Case: સોનમે રાજને કર્યો મેસેજ, રાજા મેરે કરીબ આ રહા હૈ. અને પછી...
Raja Raghuwanshi Murder Case:રાજા રઘુવંશી હત્યા કેસમાં સોનમ રઘુવંશીની ભૂમિકા અંગે ચોંકાવનારા ખુલાસા થઈ રહ્યા છે.તપાસ મુજબ, સોનમ લગ્નના ત્રણ દિવસ પછી જ તેના પતિ રાજાની હત્યા કરવાની યોજના બનાવી હતી.
Raja Raghuwanshi Murder Case: રાજા રઘુવંશી હત્યા કેસની તપાસ જેમ જેમ આગળ વધી રહી છે, તેમ તેમ સોનમ રઘુવંશીની ભૂમિકા વિશે ચોંકાવનારા ખુલાસા થઈ રહ્યા છે. માહિતી અનુસાર, સોનમે લગ્નના ત્રણ દિવસ પછી જ તેના પતિ રાજાને મારી નાખવાની યોજના બનાવી હતી. સોનમ અને રાજ કુશવાહાના મોબાઇલ ચેટ પરથી આ વાત બહાર આવી છે.
તપાસ એજન્સીઓને મળેલી ચેટ મુજબ, લગ્નના ત્રીજા દિવસે સોનમે રાજ કુશવાહ સાથે રાજાને મારી નાખવાની વાત કરી હતી. વાતચીતમાં સોનમે એ પણ ખુલાસો કર્યો કે તેને તેના પતિ રાજા તેની નજીક આવે તે ગમતું નહોતું.
રાજ કુશવાહા સાથેની ચેટમાં સોનમે શું લખ્યું?
સોનમે રાજ કુશવાહા સાથેની ચેટમાં લખ્યું હતું કે, તેનો પતિ રાજા તેની નજીક આવી રહ્યો છે, જે તેને બિલકુલ પસંદ નથી. લગ્ન પહેલા જ સોનમે પોતાને રાજાથી દૂર જ રાખતી હતી. તપાસમાં ખુલાસો થયો છે કે, સોનમે રાજ કુશવાહા સાથે મેઘાલય જઈને ત્યાં રાજાને મારી નાખવાની યોજના બનાવી હતી. આખી હનીમૂન ટ્રીપ ખરેખર એક સુનિયોજિત યોજનાનો ભાગ હતી.
સોનમ અને રાજાના લગ્ન 11 મેના રોજ ઇન્દોરમાં થયા હતા
સોનમ અને રાજાના લગ્ન 11 મેના રોજ ઇન્દોરમાં થયા હતા. બંને 20 મેના રોજ હનીમૂન માટે મેઘાલય ગયા હતા, પરંતુ અચાનક બંને 23 મેના રોજ ગૂમ થઈ ગયા હતા.
રાજા રઘુવંશીનો મૃતદેહ 2 જૂનના રોજ ખાડામાંથી મળી આવ્યો
આ પછી, 2 જૂનના રોજ, રાજા રઘુવંશીનો મૃતદેહ મેઘાલયના પૂર્વ ખાસી હિલ્સ જિલ્લાના સોહરા વિસ્તારમાં એક ઊંડા ખાડામાંથી મળી આવ્યો. લાશની નજીક એક ધોધ હતો, અને પોસ્ટમોર્ટમમાં બહાર આવ્યું કે રાજાની હત્યા તીક્ષ્ણ હથિયારથી કરવામાં આવી હતી.
સોનમનો ગાઝીપુર જવાનો રસ્તો એક કોયડો છે
સોનમનો ગાઝીપુર જવાનો રસ્તો હજુ પણ પોલીસ માટે એક કોયડો છે. તે ચૌબેપુરના કૈથી ખાતે ટોલ પ્લાઝા પાસે આવેલા એક ઢાબા પરથી મળી આવી હતી. આ ટોલ પ્લાઝા વારાણસી-ગાઝીપુર મુખ્ય માર્ગ પર આવેલો છે અને અહીં સીસીટીવી કેમેરા લગાવેલા છે.
પોલીસ કેસની તપાસ કરી રહી છે
પોલીસ હવે આ કેમેરાના ફૂટેજની તપાસ કરી રહી છે, જેથી જાણી શકાય કે સોનમ કયા વાહનથી ત્યાં પહોંચી હતી અને કોણે તેને ત્યાં છોડી દીધી હતી. ગાઝીપુર શહેર અને તેની બહારના વિસ્તારોમાં પણ સીસીટીવીની તપાસ ચાલી રહી છે. મેઘાલય પોલીસના જણાવ્યા અનુસાર, આ કેસ હવે સંપૂર્ણપણે હત્યાના પૂર્વ-આયોજિત કાવતરા તરફ ઈશારો કરી રહ્યો છે.
ટોપ સ્ટોરી
ટ્રેન્ડિંગ સમાચાર
