Tharad : પિતાએ બે પુત્રીઓ સાથે કૂવામાં કૂદીને કરી લીધો આપઘાત, આત્મહત્યા પહેલા દવાની બોટલ સાથે ફોટા શેર કર્યા

થરાદના સેરાઉ પાસે સામુહિક આત્મહત્યાની ઘટના સામે આવી છે. પિતાએ બે પુત્રીઓ સાથે કૂવામાં પડી આત્મહત્યા કરી છે. ગ્રામજનોએ લાશોને મહામુસીબતે બહાર કાઢી છે.

પ્રતિકાત્મક તસવીર.

બનાસકાંઠાઃ થરાદના સેરાઉ પાસે સામુહિક આત્મહત્યાની ઘટના સામે આવી છે. પિતાએ બે પુત્રીઓ સાથે કૂવામાં પડી આત્મહત્યા કરી છે. ગ્રામજનોએ લાશોને મહામુસીબતે બહાર કાઢી છે. પિતા વિક્રમ દરજીએ બે પુત્રીઓ સાથે આત્મહત્યા કરતા ઘટના સ્થળે લોકોના ટોળેટોળા ઉમટી પડ્યા હતા. વિક્રમ દરજીએ આત્મહત્યા પહેલા દવાની બોટલ સાથે બે પુત્રીઓનો ફોટો સોશ્યલ મીડિયામાં વાયરલ કર્યો હતો. આત્મહત્યાનું કારણ અકબંધ  છે. આ મામલે કોઇ પોલીસ ફરિયાદ નોંધાઇ નથી.

Sonipat : આગળ જઈ રહેલા ટ્રેકક્ટર પાછળ ઘૂસી ગઈ બોલેરો, 4ના ઘટનાસ્થળે જ મોત, 6 ઘાયલ

સોનીપતમાં એક ગંભીર અકસ્માતમાં 4 લોકોના મોત થયા છે. નેશનલ હાઈવે 44 ઉપર ગઢી કલાં ગન્નોર ગામે પાસે રોડ અકસ્માત થયો હતો. ફૂલ સ્પીડમાં જઈ રહેલી બોલેરો આગળ જઈ રહેલા ટ્રેક્ટર પાછળ ઘૂસી ગઈ હતી. આ ગમખ્વાર અકસ્માતમાં બોલેરોમાં સવાર ત્રણ મહિલા અને એક પુરુષનું મોત નીપજ્યું છે. જ્યારે 6 લોકોને ગંભીર ઇજા થઈ છે. તેમને સારવાર માટે ખસેડવામાં આવ્યા છે. મૃતકોની ઓળખ હજુ સુધી થઈ શકી નથી. મૃતદેહોને પોસ્ટમોર્ટમ માટે ખસેડવામાં આવ્યા છે. 

Flood In India: દેશના ઘણા રાજ્યોમાં ભારે વરસાદને કારણે પૂરનો પ્રકોપ ચાલુ છે. મહારાષ્ટ્રથી લઈને મધ્યપ્રદેશ, ગુજરાત, રાજસ્થાન, કેરળ સુધીના અન્ય ઘણા રાજ્યો આમાં સામેલ છે. હિમાચલમાં તબાહીનું દ્રશ્ય જોવા મળી રહ્યું છે. રાજ્યના કિન્નૌર જિલ્લાના શલાખાર ગામમાં આગલા દિવસે વાદળ ફાટ્યું હતું. વાદળ ફાટવાના કારણે પૂરની સ્થિતિ સર્જાઈ હતી અને ચારેબાજુ વિનાશ જોવા મળ્યો હતો.

ફૂટ બ્રિજ વહેતો જોવા મળ્યો હતો ત્યારે પાણીના જોરદાર પ્રવાહને કારણે રસ્તા પર પાર્ક કરાયેલા વાહનો ધોવાઈ ગયા હતા. જિલ્લા પરિષદના સભ્ય શાંતા કુમારના જણાવ્યા અનુસાર ત્રણ અલગ-અલગ જગ્યાએ વાદળો ફાટ્યા હતા. સાથે જ ભારે વરસાદને કારણે લોકોના ઘરોને ભારે નુકસાન થયું છે. તેમણે કહ્યું કે લોકો પોતાનો બધો સામાન લઈને સુરક્ષિત જગ્યાએ જવા માટે વ્યસ્ત છે.

સ્કૂલ બસ નદીમાં પડી

ઉત્તરાખંડની વાત કરીએ તો અહીં સ્થિતિ દયનીય છે. ગત દિવસે રાજ્યના ચંપાવતમાં જોરદાર કરંટના કારણે એક સ્કૂલ બસ નદીમાં વહી ગઈ હતી. અકસ્માતમાં ઈજાગ્રસ્ત બસનો ડ્રાઈવર અને અન્ય એક વ્યક્તિ હાલમાં હોસ્પિટલમાં સારવાર હેઠળ છે. સદનસીબે બસમાં કોઈ શાળાના બાળકો ન હતા. જણાવવામાં આવી રહ્યું છે કે બાદમાં જેસીબીની મદદથી સ્કૂલ બસને ખાઈમાંથી બહાર કાઢવામાં આવી હતી. તે જ સમયે, દેહરાદૂનમાં ભારે વરસાદ અને પૂરના કારણે સ્થિતિ ખૂબ જ ખરાબ છે. શહેરભરની શાળાઓને આજે બંધ રાખવાનો આદેશ આપવામાં આવ્યો છે.

નદીના જોરદાર પ્રવાહ વચ્ચે બે યુવકો અટવાયા હતા

તમને જણાવી દઈએ કે, જમ્મુ-કાશ્મીરમાં ભારે વરસાદને કારણે પૂર જેવી સ્થિતિ છે જેના કારણે નદીઓના જળસ્તરમાં નોંધપાત્ર વધારો થયો છે. તેમજ અકસ્માતના અનેક કિસ્સાઓ સામે આવી રહ્યા છે. જમ્મુ-કાશ્મીરના પૂંચમાં ભારે વરસાદને કારણે બેતાર નદીમાં અચાનક ઉછાળો આવતા નદીના જોરદાર પ્રવાહ વચ્ચે બે યુવકો ફસાઈ ગયા હતા. પૂંચમાં તૈનાત સેનાના જવાનોને આ અંગેની માહિતી મળતા જ બચાવ અભિયાન ચલાવીને બંને યુવકોને નદીમાંથી બહાર કાઢવામાં આવ્યા હતા. સેનાના અધિકારીઓએ જણાવ્યું કે લાંબા સમય સુધી પાણીના જોરદાર પ્રવાહમાં ફસાયેલા રહેવાને કારણે બંને યુવકોની તબિયત લથડવા લાગી, તેથી બંનેને હોસ્પિટલમાં દાખલ કરવામાં આવ્યા છે.