માત્ર એક ફોટો માટે આ 9માં ધોરણના વિદ્યાર્થીએ આપ્યા 80 લાખ, આ તસવીરમાં એવું તે શું હતું?

આ સમગ્ર ઘટના રાજસ્થાનના ઝુંઝુનુ જિલ્લાની છે. જયાં 9માં ધોરણમાં ભણતા વિદ્યાર્થીએ એવું કાંડ કર્યું કે, અન્ય વિદ્યાર્થી પાસેથી એક તસવીરના 80 લાખ રૂપિયા પડાવ્યાં કેવી રીતે જાણીએ

ફાઇલ તસવીર (abp Asmita)

Source : abp asmita

રાજસ્થાનના ઝુંઝુનુ જિલ્લામાં ધોરણ 9 અને 10ના વિદ્યાર્થીઓએ ત્રણ વર્ષમાં પોતાના જ સહાધ્યાયી સાથે 80 લાખ રૂપિયાની છેતરપિંડી કરી હતી. પોલીસે ત્રણ વિદ્યાર્થીઓની ધરપકડ કરી છે અને તેમના કબજામાંથી 1 લાખ 80 હજાર રૂપિયા રોકડા જપ્ત કર્યા છે.

રાજસ્થાનના ઝુંઝુનુ જિલ્લાની પોલીસે એક ચોંકાવનારો કિસ્સો પ્રકાશમાં લાવ્યો  છે. નવમા અને દસમા ધોરણમાં અભ્યાસ કરતા સાતથી આઠ છોકરાઓ ઝડપાયા છે. જેમાં એકના ઘરેથી એક લાખ એંસી હજાર રૂપિયા રોકડા મળી આવ્યા હતા. આ વિદ્યાર્થીઓએ મળીને તેમના જ વર્ગમાં ભણતા એક છોકરાને ત્રણ વર્ષમાં 80 લાખ રૂપિયાની છેતરપિંડી કરી હતી. અત્યાર સુધીમાં ત્રણની ધરપકડ કરવામાં આવી છે. બાકીના સહયોગીઓની પણ શોધ ચાલી રહી છે.

તસવીરમાં એવું તે શું હતું કે, વિદ્યાર્થીએ 80 લાખ ચુકવ્યાં

પોલીસે જણાવ્યું કે શહેરની જાણીતી શાળામાં અભ્યાસ કરતી કિશોરએ આ કેસ દાખલ કર્યો છે. તેણે જણાવ્યું કે, જ્યારે તે નવમા ધોરણમાં ભણતો હતો ત્યારે તેની સાથે ભણતા સાત-આઠ છોકરાઓએ તેની સાથે મિત્રતા કરી હતી. તે પછી તેઓ સાથે ફરવા લાગ્યા. આ દરમિયાન એક દિવસ તેણે પોતાના મોબાઈલમાં હથિયારોનો ફોટો બતાવ્યો અને કહ્યું કે તે તારા પરિવારને મારી નાખીશ અને પછી તને તેમની હત્યાના કેસમાં ફસાવી દેશે. જો તમારે તમારી જાતને બચાવવી હોય તો કાલે પૈસા લઈ આવો. પીડિત છોકરાના પિતા મોટા બિઝનેસમેન અને પ્રોપર્ટી ડીલર છે. છોકરાએ નવમા ધોરણથી પૈસા લાવવાનું શરૂ કર્યું અને ધોરણ 11 સુધી ચાલુ રાખ્યું. પરિવારને પણ આ વાતની જાણ નહોતી. ત્રણ વર્ષ દરમિયાન બ્લેકમેલિંગ કરનારા છોકરાઓને 80 લાખ રૂપિયા આપવામાં આવ્યા હતા.

આ પૈસાથી આ આરોપી  છોકરાઓએ મોંઘા મોબાઈલ, કાર અને બાઈક ખરીદી. થોડા દિવસો પહેલા જ્યારે પીડિત છોકરાએ તેના પિતાને આ વિશે સત્ય જણાવ્યું તો મામલો પ્રકાશમાં આવ્યો અને પોલીસ સુધી પહોંચ્યો. પોલીસે ત્રણેય આરોપીની ધરપકડ  કરી છે. તે તમામ આ શાળામાં અભ્યાસ કરે છે. ધોરણ 11 અને 12 ના વિદ્યાર્થીઓ છે. તેમાંથી એકના ઘરેથી રોકડ મળી આવી છે. હવે તમામ વિદ્યાર્થીઓને શાળામાંથી બહાર કાઢવાની તૈયારીઓ ચાલી રહી છે. પીડિતા અને આરોપી... બધાની ઉંમર 18 વર્ષથી ઓછી છે. આ આખો ખેલ ત્રણ વર્ષથી ચાલી રહ્યો છે.