Bank of Baroda Recruitment: બેંક ઓફ બરોડામાં બમ્પર ભરતી, 1267 પદ માટે અરજી કરવાનું શરુ  

બેંક ઓફ બરોડા (BOB) એ બમ્પર ભરતી બહાર પાડી છે. બેંક ઓફ બરોડાએ વિવિધ વિભાગો માટે નિયમિત ધોરણે હ્યુમન રિસોર્સ ભરતી માટે પાત્રતા ધરાવતા ઉમેદવારો પાસેથી અરજીઓ મંગાવી છે.

પ્રતિકાત્મક તસવીર

Source : ABPLIVE AI

Bank of Baroda Recruitment 2025 :  બેંક ઓફ બરોડા (BOB) એ બમ્પર ભરતી બહાર પાડી છે. બેંક ઓફ બરોડાએ વિવિધ વિભાગો માટે નિયમિત ધોરણે હ્યુમન રિસોર્સ ભરતી માટે પાત્રતા ધરાવતા ઉમેદવારો પાસેથી અરજીઓ મંગાવી છે. BOB એ આ ભરતી માટે ઓનલાઈન અરજી પ્રક્રિયા શરૂ કરી છે. રસ ધરાવતા અને લાયક ઉમેદવારો BOB ની સત્તાવાર વેબસાઇટની મુલાકાત લઈને આ ભરતી માટે અરજી કરી શકે છે. BOB ભરતી 2025 માટે અરજી કરવાની છેલ્લી તારીખ 17 જાન્યુઆરી 2025 છે.               

એક હજારથી વધુ પોસ્ટ માટે ભરતી  

BOB ભરતી 2025 અભિયાન દ્વારા હ્યુમન રિસોર્સની કુલ 1267 જગ્યાઓ ભરવામાં આવશે. આ ભરતીઓ સ્કેલ-1, સ્કેલ II અને સ્કેલ III ગ્રેડ પર કરવામાં આવશે.     

પોસ્ટ મુજબ વય મર્યાદા

વય મર્યાદા પોસ્ટ અને લાયકાત અનુસાર અલગ રીતે નક્કી કરવામાં આવી છે. પોસ્ટ અનુસાર, 24 વર્ષથી 45 વર્ષની વચ્ચેના લોકો આ ભરતી માટે અરજી કરી શકે છે.

આ પોસ્ટ માટે જરુરી લાયકાત 

પોસ્ટ પ્રમાણે લાયકાત બદલાય છે. આમાં સ્નાતકની ડિગ્રી, PG ડિગ્રી, PG ડિપ્લોમા, MBA, PGDM, BE, B.Tech, MCA, MSc B.Arch, માસ્ટર ડિગ્રી અને માન્ય સંસ્થા અથવા યુનિવર્સિટીમાંથી PhDનો સમાવેશ થાય છે.

અરજી ફી 

જનરલ, EWS અને OBC કેટેગરીના ઉમેદવારોએ 600 રૂપિયા ફી ચૂકવવી પડશે, જ્યારે SC, ST, PWD અને મહિલા ઉમેદવારો માટે 100 રૂપિયા ફી લાગુ પડશે. અરજી ફી ઓનલાઈન મોડમાં ભરવાની રહેશે. 

શું છે પસંદગી પ્રક્રિયા

બેંક ઓફ બરોડાની પસંદગી પ્રક્રિયામાં ઓનલાઈન ટેસ્ટ, સાયકોમેટ્રિક ટેસ્ટ અથવા અન્ય કોઈપણ ટેસ્ટ શામેલ હોઈ શકે છે. જે ઉમેદવારો ઓનલાઈન ટેસ્ટમાં લાયક ઠરે છે તેમને જ ગ્રુપ ડિસ્કશન અથવા ઈન્ટરવ્યુ માટે બોલાવવામાં આવશે. જો કે, જો પ્રાપ્ત થયેલ પાત્ર અરજીઓની સંખ્યા વધુ/ઓછી હોય, તો બેંક શોર્ટલિસ્ટિંગ માપદંડ/ઇન્ટરવ્યૂ પ્રક્રિયામાં ફેરફાર કરવાનો અધિકાર અનામત રાખે છે. કૉલ લેટર અને ઇન્ટરવ્યુની તારીખો વિશેની માહિતી ઉમેદવારોને તેમના રજિસ્ટર્ડ ઈમેલ આઈડી પર મોકલવામાં આવશે. પસંદ કરેલ ઉમેદવારોનો પ્રોવિઝન પીરિયડ  બેંકમાં જોડાવાની તારીખથી 12 મહિના માટે રહેશે.