ITBP Recruitment 2024: 10 પાસ માટે ITBPમાં નોકરી, ST, SC, OBC માટે કેટલા છે પદ?

ITBP Recruitment 2024:ઈન્ડો-તિબેટીયન બોર્ડર પોલીસે થોડા સમય પહેલા કોન્સ્ટેબલની જગ્યાઓ માટે ભરતીની સૂચના બહાર પાડી હતી

પ્રતિકાત્મક તસવીર

Source : ABPLIVE AI

ITBP Constable Recruitment 2024 Registration Begins Today: ઈન્ડો-તિબેટીયન બોર્ડર પોલીસે થોડા સમય પહેલા કોન્સ્ટેબલની જગ્યાઓ માટે ભરતીની સૂચના બહાર પાડી હતી. આને લગતી મહત્વની અપડેટ એ છે કે આ પોસ્ટ માટે રજિસ્ટ્રેશન લિંક આજે એટલે કે 2જી સપ્ટેમ્બર, સોમવાર ઓપન કરવામાં આવી છે. જે ઉમેદવારો આ જગ્યાઓ માટે અરજી કરવા ઈચ્છે છે તેઓ ITBPની સત્તાવાર વેબસાઈટ પર જઈને ફોર્મ ભરી શકે છે. આ કરવા માટે તમારે ઇન્ડો-તિબેટિયન બોર્ડર પોલીસની સત્તાવાર વેબસાઇટ પર જવું પડશે, જેનું એડ્રેસ છે - recruitment.itbpolice.nic.in.

ITBP કોન્સ્ટેબલની ભરતીમાં જનરલ કેટેગરીના ઉમેદવારો માટે 458 જગ્યાઓ છે, આ સિવાય OBC ઉમેદવારો માટે 162 જગ્યાઓ અનામત છે. અનુસૂચિત જનજાતિ એટલે કે STની 70 જગ્યાઓ પર ભરતી કરાશે. આર્થિક રીતે નબળા વર્ગના ઉમેદવારો માટે 81 જગ્યાઓ અનામત છે. તેવી જ રીતે અનુસૂચિત જાતિ એટલે કે SC ઉમેદવારો માટે 48 જગ્યાઓ પર ભરતી કરવામાં આવશે.

આ જગ્યાઓ માટે ઉપરોક્ત વેબસાઇટ પરથી પણ અરજી કરી શકાશે અને વિગતો પણ જાણી શકાશે. આ વેબસાઈટ પરથી વધુ અપડેટ વિશેની માહિતી પણ મેળવી શકાય છે. આ ભરતી અભિયાન દ્વારા કોન્સ્ટેબલની કુલ 819 જગ્યાઓ પર ભરતી કરવામાં આવશે.

આ સરળ સ્ટેપને ફોલો કરી અરજી કરો

• ITBP કોન્સ્ટેબલ પોસ્ટ્સ માટે અરજી કરવા માટે પહેલા સત્તાવાર વેબસાઇટ એટલે કે recruitment.itbpolice.nic.in પર જાવ.
• અહીં હોમપેજ પર તમને ITBP કોન્સ્ટેબલ રિક્રુટમેન્ટ 2024 નામની લિંક દેખાશે, તેના પર ક્લિક કરો.
• આમ કરવાથી એક નવું પેજ ખુલશે, આ પેજ પર તમારે તમારા રજિસ્ટ્રેશનની વિગતો દાખલ કરવાની રહેશે. વિગતો દાખલ કરો અને તમારી વેબસાઇટ પર રજિસ્ટ્રેશન કરો.
• આ પછી વિગતો દાખલ કરીને તમારા એકાઉન્ટમાં લોગિન કરો.
• લોગિન કર્યા પછી પછીના સ્ટેપમાં તમારી વિગતો યોગ્ય રીતે દાખલ કરો અને એપ્લિકેશન ભરો.
• અરજી ભર્યા પછી ફી જમા કરો અને બધી વિગતો યોગ્ય રીતે તપાસ્યા પછી ફોર્મ સબમિટ કરો.
• આ સાથે તમારી અરજી પૂર્ણ થઈ જશે. હવે આ પેજ ડાઉનલોડ કરો અને કન્ફર્મેશન પેજની પ્રિન્ટ આઉટ લો. આ બાદમાં ઉપયોગી થશે.
• આ સંબંધમાં કોઈપણ માહિતી અથવા અપડેટ્સ માટે સમયાંતરે સત્તાવાર વેબસાઇટની મુલાકાત લેતા રહો.

કોણ અરજી કરી શકે છે

અરજી કરવા માટે ઉમેદવારે માન્ય બોર્ડમાંથી 10મું પાસ કરેલ હોવું જોઈએ અને તેની પાસે સંબંધિત ક્ષેત્રમાં ડિપ્લોમા પણ હોવો જોઈએ. વય મર્યાદા 18 થી 25 વર્ષની વચ્ચે છે.

પસંદગી કેવી રીતે થશે?

આ પોસ્ટ્સ પર પસંદગી માટે ઉમેદવારોએ લેખિત પરીક્ષા, ફિઝિકલ સ્ટાન્ડર્ડ ટેસ્ટ, શારીરિક કાર્યક્ષમતા કસોટી, મૂળ દસ્તાવેજોની ચકાસણી, વિગતવાર તબીબી પરીક્ષા અ રિવ્યૂ મેડિકલ એક્ઝામિનેશન  જેવી ઘણી પરીક્ષાઓ પાસ કરવી પડશે. એક સ્ટેજ પાસ કરનાર જ બીજા સ્ટેજ પર જઈ શકશે અને તમામ સ્ટેજ પાસ કરનારની પસંદગી આખરી રહેશે.