JEE Main 2022 ની પરીક્ષાની તારીખોમાં થયો ફેરફાર, હવે આ દિવસે પરીક્ષા લેવામાં આવશે

શૈક્ષણિક વર્ષ 2022-23 માટે JEE (મુખ્ય) - 2021 સત્ર - 1 માટે નોંધણી પ્રક્રિયા ચાલી રહી છે.

પ્રતિકાત્મક તસવીર

નેશનલ ટેસ્ટિંગ એજન્સીએ જોઈન્ટ એન્ટ્રન્સ પરીક્ષા JEE મેઈન 2022ની તારીખોમાં ફેરફાર કર્યો છે. જેઇઇ મેઇન પરીક્ષા, જે અગાઉ 16 એપ્રિલે નક્કી કરવામાં આવી હતી, તે હવે 21 એપ્રિલથી લેવામાં આવશે. વિદ્યાર્થીઓ NTAની સત્તાવાર વેબસાઇટ nta.ac.in પર વિગતવાર સમયપત્રક ચકાસી શકે છે.

શૈક્ષણિક વર્ષ 2022-23 માટે JEE (મુખ્ય) - 2021 સત્ર - 1 માટે નોંધણી પ્રક્રિયા ચાલી રહી છે. દરમિયાન, વિદ્યાર્થીઓ દ્વારા JEE (મેઇન) - 2022 ના સત્ર 1 ની તારીખોમાં ફેરફારની માંગ સતત કરવામાં આવી રહી હતી. જેના માટે સોશિયલ સાઈટ પર અભિયાન પણ શરૂ કર્યું હતું. વિદ્યાર્થીઓએ કહ્યું કે બોર્ડની પરીક્ષાની તારીખો JEE (મેઈન) - 2022 સત્ર 1 સાથે અથડાઈ રહી છે. વિદ્યાર્થીઓની માંગને કારણે નેશનલ ટેસ્ટિંગ એજન્સીએ JEE (મેઈન) - 2022 સત્ર 1ની તારીખોમાં ફેરફાર કર્યો છે. નવા સમયપત્રક મુજબ, JEE મેઇન 2022ની પરીક્ષા 21, 24, 25, 29 એપ્રિલ અને 1 મેના રોજ લેવામાં આવશે.

ઉમેદવારો એપ્રિલ 2022 ના બીજા અઠવાડિયાથી એડમિટ કાર્ડ ડાઉનલોડ કરવાનું શરૂ કરી શકે છે. ઉમેદવારોને વધુ વિગતો અને અપડેટ્સ માટે NTAની સત્તાવાર વેબસાઇટ www.nta.ac.in અને jeemain.nta.nic.in ની મુલાકાત લેતા રહેવાની સલાહ આપવામાં આવે છે. JEE (મુખ્ય) - 2022 સંબંધિત વધુ વિગતો માટે, ઉમેદવારો 011- 40759000/011-69227700 પર સંપર્ક કરી શકે છે અથવા jeemain@nta.ac.in પર ઇમેઇલ કરી શકે છે. નેશનલ ટેસ્ટિંગ એજન્સી ઉમેદવારો માટે ઘણી પ્રવેશ પરીક્ષાઓનું આયોજન કરે છે. NTA દ્વારા JEE પરીક્ષાનું પણ આયોજન કરવામાં આવે છે. ઇજનેરી અભ્યાસક્રમોમાં પ્રવેશ લેવા માટે JEE પરીક્ષા લેવામાં આવે છે.

 

ગત જેઈઈ મેઈન્સ 2022 પરીક્ષાના કાર્યક્રમ અનુસાર, એનટીએ 16, 17, 18, 19, 20, 21 એપ્રિલ 2022ને જેઈઈ મેઈન્સ સત્ર 1 નિર્ધારિત કર્યો હતો. જેઈઈ મેઈન્સ 2022 રજીસ્ટ્રેશન સત્તાવાર વેબસાઈટ પર પહેલાથી જ ચાલી રહ્યું છે. અને જેઈઈ મેઈન્સ 2022 પરીક્ષા માટે અરજી કરવાની અંતિમ તારીખ 31 માર્ચ 2022 છે. અહીં ધ્યાન આપવા જેવી બાબત એ છે કે, જેઈઈ મેઈન્સના સંપાદનની જોગવાઈ રાખી નથી.