School Closed: કાળઝાળ ગરમીથી દેશના આ રાજ્યમાં 14 જૂન સુધી સ્કૂલોમાં રજા, જાણો વિગત

Educational News: શાળા શિક્ષણ અને સાક્ષરતા વિભાગના સચિવ કે.કે. રવિ કુમાર દ્વારા રવિવારે જારી કરાયેલા આદેશમાં આ માહિતી આપવામાં આવી છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

School Closed: ઉનાળુ વેકેશન બાદ 12 જૂનથી ઝારખંડમાં તમામ શાળાઓ ખુલી રહી હતી. પરંતુ હાલ રાંચી સહિત ઘણા વિસ્તારોમાં આકરી ગરમી પડી રહી છે. જેને જોતા રાજ્ય સરકાર દ્વારા ઉનાળુ વેકેશન લંબાવવાનો આદેશ જારી કરવામાં આવ્યો છે. હવે ઉનાળુ વેકેશન બાદ 12 જૂનથી શાળાઓ ખુલશે નહીં. શાળા શિક્ષણ અને સાક્ષરતા વિભાગ દ્વારા આ અંગેનો આદેશ જારી કરવામાં આવ્યો હતો.

રાજ્યની તમામ શાળાઓ 14 જૂન સુધી બંધ રહેશે

શાળા શિક્ષણ અને સાક્ષરતા વિભાગના સચિવ કે.કે. રવિ કુમાર દ્વારા રવિવારે જારી કરાયેલા આદેશમાં આ માહિતી આપવામાં આવી છે. શાળા શિક્ષણ વિભાગ દ્વારા જારી કરાયેલા આદેશમાં કહેવામાં આવ્યું છે કે ઝારખંડમાં ભારે ગરમી અને ગરમીના મોજાને ધ્યાનમાં રાખીને આ નિર્ણય લેવામાં આવ્યો છે. આદેશમાં જણાવાયું છે કે રાજ્યની તમામ સરકારી, બિનસરકારી અનુદાનિત, બિનઅનુદાનિત અને ખાનગી શાળાઓ 14 જૂન સુધી બંધ રહેશે. શિક્ષણ સચિવ કે. રવિ કુમારે આ નિર્ણય લેતા માહિતી આપી હતી.  

આકાશમાંથી વરસી રહેલી આગના કારણે સમગ્ર રાજ્ય ગરમીનો સામનો કરી રહ્યું છે. રાજયના લઘુત્તમ અને મહત્તમ તાપમાનમાં 10 થી 12 ડિગ્રીનું અંતર રહ્યું છે. દિવસ દરમિયાન ગરમીનો સામનો કરી રહેલા લોકોને રાતે પણ રાહત મળી રહી નથી.

Jharkhand | All schools in the state will remain closed till June 14, in the wake of the continued heat wave prevailing in the state: School Education and Literacy Department, Jharkhand Government pic.twitter.com/x98uE5lQ0R

— ANI (@ANI) June 12, 2023

શાળા બંધ રાખવા અનેક સંસ્થાઓની માંગ

 શાળાના બાળકો અને વાલીઓનાં અનેક સંગઠનો ઉનાળુ વેકેશન લંબાવવાની માંગ કરી રહ્યાં હતાં. પાસવા વતી રાજ્ય સરકારને 17 જૂન સુધી શાળાઓ બંધ રાખવા તાકીદ કરવામાં આવી હતી. સંગઠન દ્વારા એવી પણ માહિતી આપવામાં આવી હતી કે રાજ્યમાં ખાનગી શાળાઓ 17 જૂન સુધી બંધ રહેશે અને 19 જૂનથી શાળાઓ ખુલશે.

15 જૂન સુધી હીટ વેવ માટે યલો એલર્ટ

15 જૂન સુધી હીટ વેવને લઈને હવામાન વિભાગ દ્વારા યલો એલર્ટ જારી કરવામાં આવ્યું છે. હવામાન વિભાગ દ્વારા રાત્રે 11 થી 3 વાગ્યાની વચ્ચે બહાર જવાનું ટાળવાની સલાહ આપવામાં આવી છે. હળવા રંગના, ઢીલા, સુતરાઉ કપડાં પહેરો. તમારા માથાને ઢાંકવા માટે કાપડ, ટોપી અથવા છત્રીનો ઉપયોગ કરો.