આ છે દુનિયાનો સૌથી મોંઘો પદાર્થ, અંબાણી અને અદાણીની તમામ સંપત્તિથી વધુ છે તેની એક ગ્રામની કિંમત

Most Expensive Element:નોંધનીય છે કે એક ગ્રામ એન્ટિમેટરની કિંમત હાલમાં 90 ટ્રિલિયન ડોલરથી વધુ છે

( Image Source :Getty )

Most Expensive Element: જો તમને પૂછવામાં આવે કે વિશ્વની સૌથી મોંઘી વસ્તુ કઈ હશે, તો કદાચ તમારા મગજમાં ડાયમંડ, પ્લેટિનમ, સોનું કે યુરેનિયમ જેવી વસ્તુઓ આવશે. એ વાત સાચી છે કે આ બધી વસ્તુઓ બહુ મૂલ્યવાન છે. પરંતુ તેમની કિંમત વિશ્વના સૌથી મોંઘા પદાર્થની સરખામણીમાં કંઈ નથી. આ પદાર્થની કિંમત એટલી બધી છે કે જો ભારતના બે સૌથી ધનાઢ્ય માણસો એટલે કે મુકેશ અંબાણી અને ગૌતમ અદાણી તેમની આખી સંપત્તિ વેચી દે તો પણ તેઓ તેનો એક ગ્રામ પણ ખરીદી શકતા નથી. તો ચાલો જાણીએ શું છે આ વસ્તુ.

એન્ટિમેટર શું છે?

એન્ટિમેટર એ પદાર્થ છે, સૌથી મહત્વની બાબત એ છે કે તેના અણુની અંદરની દરેક વસ્તુ ઊંધી છે. ઉદાહરણ તરીકે, સામાન્ય અણુમાં પોઝિટીવ રીતે ચાર્જ થયેલ ન્યૂક્લિયસ અને નેગેટિવ ચાર્જ થયેલ ઇલેક્ટ્રોન હોય છે. જ્યારે, એન્ટિમેટર એટમમાં નેગેટિવ ચાર્જ થનાર ન્યૂક્લિયસ અને પોઝિટીવ ચાર્જ થનાર ઇલેક્ટ્રોન્સ હોય છે. વાસ્તવમાં, તે એક પ્રકારનું બળતણ છે, જેનો ઉપયોગ અવકાશયાન અને વિમાનોમાં થાય છે. સૌથી મોટી વાત એ છે કે તે પૃથ્વી કે તેના વાતાવરણની નજીક ક્યાંય જોવા મળતું નથી. આ પદાર્થ લેબમાં તૈયાર કરવામાં આવે છે. આ કારણે તે આટલું મોંઘું છે. તેનો ઉપયોગ પરમાણુ શસ્ત્રો બનાવવા માટે પણ થાય છે. તેનો ઉપયોગ હોસ્પિટલોમાં મેડિકલ ઇમેજિંગમાં અને પોઝિટ્રોન ઉત્સર્જન ટોમોગ્રાફીના રૂપમાં કિરણોત્સર્ગી પરમાણુઓમાં પણ થાય છે.

એન્ટિમેટર કેટલું મોંઘું છે?

નોંધનીય છે કે એક ગ્રામ એન્ટિમેટરની કિંમત હાલમાં 90 ટ્રિલિયન ડોલરથી વધુ છે. જો આપણે તેને ભારતીય રૂપિયામાં રૂપાંતરિત કરીએ તો તે લગભગ 73 લાખ અબજ રૂપિયાની બરાબર થશે. તેની કિંમત એટલી ઊંચી છે કારણ કે તેને બનાવવામાં વર્ષોનો સમય અને ઘણા પૈસા લાગે છે. અત્યાર સુધી દુનિયામાં માત્ર 10 નેનોગ્રામ એન્ટિમેટર બની શક્યું છે. વાસ્તવમાં જો તમારે એક ગ્રામ એન્ટિમેટર બનાવવું હોય તો તમારે પ્રતિ કલાક 25 મિલિયન બિલિયન કિલોવોટ વીજળીની જરૂર છે.

તે ક્યારે શોધાયું હતું?

20મી સદીની શરૂઆતમાં એન્ટિમેટરની શોધ થઈ હતી. જો કે, આ અગાઉ વર્ષ 1928માં વૈજ્ઞાનિક પોલ ડીરાકે તેના વિશે આખી દુનિયાને સૌ પ્રથમ જણાવ્યું હતું. ત્યારથી વિશ્વભરના વૈજ્ઞાનિકો તેના પર સંશોધન કરી રહ્યા છે અને તેને લેબમાં બનાવવાનો પ્રયાસ કરી રહ્યા છે. વિશ્વભરના ઘણા વૈજ્ઞાનિકો માને છે કે બિગ બેંગ પછી અવકાશમાં વિખરાયેલા કાટમાળની સાથે આ એન્ટિમેટર પણ સમગ્ર બ્રહ્માંડમાં ફેલાઈ ગયું હતું અને તે આજે પણ બ્રહ્માંડમાં હાજર છે. કેટલાક વૈજ્ઞાનિકો માને છે કે જ્યારે બ્લેક હોલ તારાને બે ભાગમાં તોડી નાખે છે ત્યારે કુદરતી રીતે એન્ટિમેટર બને છે.