NIA Recruitment 2024: નેશનલ ઇન્વેસ્ટિગેશન એજન્સીમાં નોકરી માટે કરો અરજી, મળશે એક લાખ રૂપિયાથી પણ વધુ પગાર

જે ઉમેદવારો નેશનલ ઇન્વેસ્ટિગેશન એજન્સી (NIA) માં નોકરી કરવાની યોજના બનાવી રહ્યા છે તેમના માટે આ એક શ્રેષ્ઠ તક છે

પ્રતિકાત્મક તસવીર

Source : PTI

NIA Recruitment 2024 Notification: જે ઉમેદવારો નેશનલ ઇન્વેસ્ટિગેશન એજન્સી (NIA) માં નોકરી કરવાની યોજના બનાવી રહ્યા છે તેમના માટે આ એક શ્રેષ્ઠ તક છે. આ માટે NIA એ ઈન્સ્પેક્ટર, સબ ઈન્સ્પેક્ટર, આસિસ્ટન્ટ સબ ઈન્સ્પેક્ટર અને હેડ કોન્સ્ટેબલની જગ્યાઓ પર ભરતી બહાર પાડી છે. આ પોસ્ટ્સ માટે અરજી કરવા માટે રસ ધરાવતા અને પાત્રતા ધરાવતા ઉમેદવારો NIAની અધિકૃત વેબસાઇટ દ્વારા અરજી કરી શકે છે. આ જગ્યાઓ માટે અરજી પ્રક્રિયા શરૂ થઈ ગઈ છે અને ફોર્મ ભરવાની છેલ્લી તારીખ જાહેરાત બહાર પડ્યાની તારીખથી 60 દિવસની અંદર છે.

આ ભરતી અભિયાન દ્વારા કુલ 119 જગ્યાઓ ભરવામાં આવશે.  આ ભરતી ડેપ્યુટેશનના આધારે કરવામાં આવી રહી છે. જેને આ પોસ્ટ્સ પર નોકરી મેળવવામાં રસ છે અથવા અરજી કરવા માંગે છે તો નીચે આપેલી આ બધી મહત્વપૂર્ણ બાબતો ધ્યાનથી વાંચો.

 

ઇન્સ્પેક્ટર- 43 જગ્યાઓ

સબ ઇન્સ્પેક્ટર – 51 જગ્યાઓ

સહાયક સબ-ઇન્સ્પેક્ટર- 13 જગ્યાઓ

હેડ કોન્સ્ટેબલ- 12 જગ્યાઓ

 

NIAમાં કોણ અરજી કરી શકે છે

ઈન્સ્પેક્ટર અને સબ ઈન્સ્પેક્ટર

ઉમેદવાર પાસે કોઈપણ માન્ય યુનિવર્સિટીમાંથી કોઈપણ વિદ્યાશાખામાં સ્નાતકની ડિગ્રી હોવી જોઈએ. ઉપરાંત, ફોજદારી કેસોની તપાસ અથવા ગુપ્તચર કાર્ય અથવા કામગીરી અથવા માહિતી તકનીકી બાબતો અથવા આતંકવાદ વિરોધી તાલીમ બાબતોની જવાબદારી સંભાળવાનો બે વર્ષનો અનુભવ હોવો જોઈએ.

આસિસ્ટન્ટ સબ ઈન્સ્પેક્ટર

કોઈપણ માન્ય યુનિવર્સિટીમાંથી સ્નાતકની ડિગ્રી હોવી આવશ્યક છે. ઉપરાંત, 5 વર્ષની નિયમિત સેવા હોવી જોઈએ. આ સિવાય ફોજદારી કેસોની તપાસ અથવા ગુપ્તચર કાર્યના ક્ષેત્રમાં ઓછામાં ઓછો 02 વર્ષનો અનુભવ હોવો જોઈએ.

હેડ કોન્સ્ટેબલ

ઉમેદવારોએ કોઈપણ માન્ય યુનિવર્સિટી અથવા બોર્ડમાંથી ધોરણ 12 પાસ કરેલ હોવું જોઈએ. ઉપરાંત, કેન્દ્રીય અથવા રાજ્ય પોલીસ સંગઠન અથવા રાજ્ય પોલીસ સંગઠન અથવા સરકારી ગુપ્તચર એજન્સી અથવા અન્ય તપાસ સંસ્થાઓમાં કામ કરવાનો અનુભવ હોવો જોઈએ.

 

NIAમાં પસંદગી પર કેટલો પગાર આપવામાં આવશે

ઈન્સ્પેક્ટર- પસંદ કરેલ ઉમેદવારોને પે મેટ્રિક્સ લેવલ-7 (પૂર્વ સુધારેલ PB-2 (રૂ. 9300-34800/-) અને ગ્રેડ પે રૂ. 4600) હેઠળ પગાર આપવામાં આવશે.

સબ ઇન્સ્પેક્ટર- પસંદ કરાયેલા ઉમેદવારોને વેતન તરીકે મેટ્રિક્સ લેવલ-6 (રૂ. 35400 થી રૂ. 112400) અને ગ્રેડ પે રૂ. 4200 આપવામાં આવશે.

આસિસ્ટન્ટ સબ ઈન્સ્પેક્ટર- પસંદ કરાયેલા ઉમેદવારોને પે મેટ્રિક્સ લેવલ-5 (રૂ. 29200 થી રૂ. 92300) અને ગ્રેડ પે રૂ. 2800 આપવામાં આવશે.

હેડ કોન્સ્ટેબલ- આ પદો માટે પસંદ કરાયેલા ઉમેદવારોને પે મેટ્રિક્સ લેવલ-4 (રૂ. 25500 થી રૂ. 81700) અને રૂ. 2400ના ગ્રેડ પે દ્વારા પગાર મળશે.