![ABP Premium](https://cdn.abplive.com/imagebank/Premium-ad-Icon.png)
Exclusive: JDUનો મોટો દાવો- 'ઇન્ડિયા ગઠબંધને CM નીતિશને આપી હતી PM પદની ઓફર'
Nitish Kumar News: જોકે નીતિશ કુમારે સ્પષ્ટ કર્યું છે કે તેઓ ભાજપ અને એનડીએ સાથે જ રહેશે.
![Exclusive: JDUનો મોટો દાવો- 'ઇન્ડિયા ગઠબંધને CM નીતિશને આપી હતી PM પદની ઓફર' JDU leader claims india alliance offered post of pm to cm nitish kumar Exclusive: JDUનો મોટો દાવો- 'ઇન્ડિયા ગઠબંધને CM નીતિશને આપી હતી PM પદની ઓફર'](https://feeds.abplive.com/onecms/images/uploaded-images/2024/06/07/49bee5253b55e0970a6b5e627861f6571717783292763556_original.jpg?impolicy=abp_cdn&imwidth=1200&height=675)
Nitish Kumar News: નરેન્દ્ર મોદીના નેતૃત્વમાં NDA સરકાર બનવા જઈ રહી છે. જેડીયુએ પણ આમાં સમર્થન આપ્યું છે. જેડીયુના રાષ્ટ્રીય પ્રવક્તા કેસી ત્યાગીએ શનિવારે એબીપી ન્યૂઝ સાથેની ખાસ વાતચીતમાં મોટો ખુલાસો કર્યો છે. તેમણે કહ્યું કે 'ઇન્ડિયા ગઠબંધને સીએમ નીતિશ કુમારને વડાપ્રધાન પદની ઓફર કરી હતી. જોકે નીતિશ કુમારે સ્પષ્ટ કર્યું છે કે તેઓ ભાજપ અને એનડીએ સાથે જ રહેશે.
CM નીતિશનું મોદી સરકારને સમર્થન
દરમિયાન, ન્યૂઝ એજન્સી ANI સાથે વાત કરતા કેસી ત્યાગીએ કહ્યું હતું કે, PM એ તમામ લોકોને સંદેશ આપ્યો છે જેઓ ચૂંટણી પ્રક્રિયા અને EVM પર સવાલ ઉઠાવે છે. જેડીયુ અને ચંદ્રબાબુ નાયડુની પાર્ટી ટીડીપીએ એનડીએના નેતૃત્વમાં ચૂંટણી લડી છે. અમે આગામી 5 વર્ષ સુધી પીએમ મોદીના નેતૃત્વને અમારું સમર્થન આપ્યું છે.
કેન્દ્રના રાજકારણમાં CM નીતિશની ચર્ચા
નોંધનીય છે કે લોકસભા ચૂંટણીના પરિણામો બાદ સીએમ નીતિશ કુમાર ચર્ચામાં આવ્યા છે. તેમને લઈને અનેક પ્રકારની અટકળો શરૂ થઈ ગઈ હતી. 'ઇન્ડિયા' અને એનડીએ ગઠબંધનના નેતાઓ તેમને પોતાનામાં સામેલ કરવા માંગતા હતા પરંતુ સીએમ નીતિશે પોતાનું વલણ સ્પષ્ટ કર્યું. તેમણે એનડીએને સમર્થન આપ્યું હતું અને મોદી સરકારની રચનામાં પોતાનો સમર્થન પત્ર પણ સુપરત કર્યો હતો. સરકાર બનાવવા માટે કોઈ એક પક્ષ પાસે બહુમત નથી. આ પહેલા ભાજપ પૂર્ણ બહુમતીમાં હતું. આ વખતે એનડીએ ગઠબંધનની મદદથી ભાજપની સરકાર બનવા જઈ રહી છે.
આ કારણે સાથી પક્ષોનું મહત્વ વધી ગયું છે. જેને લઈને દરેકની નજર સીએમ નીતિશ પર ટકેલી છે. પટનાથી દિલ્હી જતી વખતે વિપક્ષના નેતા તેજસ્વી યાદવ સીએમ નીતિશ સાથે ફ્લાઈટમાં જોવા મળ્યા હતા. આ તસવીર બાદ બિહારની સાથે સાથે દેશના રાજકારણમાં ગરમાવો વધી ગયો હતો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)