Lok Sabha Election 2024: ‘અબ કી બાર NDA સરકાર’! નીતિશ કુમાર અને ચંદ્રબાબુએ ખતમ કર્યું સસ્પેન્સ, નરેન્દ્ર મોદી બનશે PM

Lok Sabha Election Result 2024: દિલ્હીમાં PMના નિવાસસ્થાને NDA પક્ષોની બેઠક સમાપ્ત થઈ ગઈ છે. સૂત્રોના જણાવ્યા અનુસાર આ બેઠકમાં નીતિશ કુમાર અને ચંદ્રબાબુ નાયડુએ સમર્થન પત્રો સુપરત કર્યા છે.

( Image Source :x/@BJP4India )

Lok Sabha Election Result 2024: લોકસભા ચૂંટણીના પરિણામો જાહેર થયા બાદ દિલ્હીમાં સરકાર બનાવવા માટે એનડીએની બેઠક સમાપ્ત થઈ ગઈ છે. આ દરમિયાન નીતિશ કુમાર અને ચંદ્રાબાબુ નાયડુ વિશે મોટા સમાચાર સામે આવી રહ્યા છે. સૂત્રોના જણાવ્યા અનુસાર નીતીશ કુમાર અને ચંદ્રબાબુ નાયડુએ બેઠકમાં સમર્થન પત્રો સુપરત કર્યા છે. આવી સ્થિતિમાં હવે શક્ય છે કે એનડીએની બેઠક બાદ તમામ નેતાઓ સરકાર બનાવવાનો દાવો પણ રજુ કરશે.

 

NDA leaders unanimously elect Narendra Modi as their leader in the proposal passed by the leaders of the NDA in Delhi. pic.twitter.com/dJat3JR9KI

— ANI (@ANI) June 5, 2024

નેશનલ ડેમોક્રેટિક એલાયન્સ (NDA)ની બેઠકમાં નરેન્દ્ર મોદીને વડાપ્રધાન પદના ઉમેદવાર તરીકે પસંદ કરવામાં આવ્યા છે. એનડીએની બેઠક બાદ સ્પષ્ટ થઈ ગયું છે કે નરેન્દ્ર મોદી વડાપ્રધાન પદના ઉમેદવાર હશે. અગાઉ, એવી અટકળો હતી કે વિરોધ પક્ષોનું ઈન્ડિયા ગઠબંધન સરકાર બનાવવાનો દાવો કરશે.

સૂત્રોના જણાવ્યા અનુસાર બુધવારે એટલે કે આજે જ NDAના નેતાઓ એક કલાકની અંદર રાષ્ટ્રપતિ ભવન જઈ શકે છે. પીએમ આવાસ પર યોજાયેલી એનડીએની બેઠકમાં અનુપ્રિયા પટેલ, મહારાષ્ટ્રના સીએમ એકનાથ શિંદે,પવન કલ્યાણ, જયંત ચૌધરી પણ હાજર હતા.

આ લોકસભા ચૂંટણીમાં ભાજપ બહુમતનો જાદુઈ આંકડો પાર કરી શકી નથી.આ કારણોસર, જેડીયુના નીતિશ કુમાર અને ટીડીપીના એન ચંદ્રબાબુ નાયડુ એનડીએ સરકાર બનાવવામાં કિંગમેકરની ભૂમિકા ભજવી રહ્યા છે.એનડીએની બેઠકમાં દરેક પાસાઓ પર ચર્ચા થઈ રહી છે.

આ લોકસભા ચૂંટણીમાં ભાજપે 240 બેઠકો જીતી છે, જે બહુમતીના આંકડા કરતા 32 ઓછી છે. ટીડીપી અને જેડીયુ પાસે કુલ 28 સીટો છે. ભાજપના અન્ય સાથી પક્ષો સાથે મળીને એનડીએ બહુમતનો આંકડો પાર કરશે.

આ પહેલા બુધવારે (5 જૂન) TDP ચીફ ચંદ્રબાબુ નાયડુએ કહ્યું હતું કે તેઓ NDA સાથે છે. તેણે કહ્યું, તમને હંમેશા સમાચાર જોઈએ છે. હું અનુભવી છું અને આ દેશમાં ઘણા રાજકીય ફેરફારો જોયા છે. અમે NDAમાં છીએ અને હું NDAની બેઠકમાં જઈ રહ્યો છું. 4 જૂન, 2024 ના રોજ, ટીડીપી સુપ્રીમો એન. ચંદ્રબાબુ નાયડુએ આંધ્રપ્રદેશમાં NDAને મળેલા વિશાળ જનાદેશ બદલ લોકોનો આભાર વ્યક્ત કર્યો હતો. તેણે X પર પોસ્ટ કરીને લખ્યું, નરેન્દ્ર મોદી અને ભાજપના વરિષ્ઠ નેતાઓ અમિત શાહ અને જેપી નડ્ડાનો આભાર માનું છું.