આલિયા ભટ્ટે ખરીદ્યો ત્રીજો મોંઘો ફ્લેટ, કિંમત જાણીને તમે પણ રહી જશો દંગ, જાણો વિગતે

કહેવાઇ રહ્યું છે કે આ 2300 સ્ક્વેર ફૂટનો એપાર્ટમેન્ટ છે અને આ ફર્સ્ટ ફ્લૉર પર છે. આ ફ્લેટની રેડી રેકોનર રેટ 7.86 કરોડ છે, જેનો અર્થ છે કે આલિયાએ આ ફ્લેટ માટે બેગણી કિંમત ચૂકવી છે. આ ફ્લેટ માટે 65.55 લાખ રૂપિયાની સ્ટેમ્પ ડ્યૂટી આપી છે. આ ફ્લેટની સાથે આલિયાને 2 ગાડીઓ માટેની પાર્કિંગ પ્લેસ પણ મળી છે.

મુંબઇઃ બૉલીવુડમાં હાલના સમયમાં સૌથી સફળ અને ઉભરતી અભિનેત્રીઓમાં આલિયા ભટ્ટનું નામ પણ સામેલ છે. છેલ્લા 6 વર્ષથી બૉલીવુડમાં ધમાલ મચાવનારી આ એક્ટ્રેસ અવારનવાર ચર્ચામાં રહે છે, પણ આ વખતે તેની ચર્ચા એક મોંઘો ફ્લેટ ખરીદવાને લઇને થઇ રહી છે.

આલિયા પોતાની કમાણીને અલગ અલગ જગ્યાએ ઇન્વેસ્ટ કરી રહી છે, તેને અગાઉ પણ બે ફ્લેટ મુંબઇમાં ખરીદ્યા છે. હવે રિપોર્ટ છે કે આલિયાએ માયાનગરીમાં વધુ એક મોંઘો ફ્લેટ ખરીદી લીધો છે.

એક રિપોર્ટ અનુસાર આલિયા ભટ્ટે પોતાની આ નવી પ્રૉપર્ટી મુંબઇના જુહુ વિસ્તારમાં ખરીદી છે, આની કિંમત લગભગ 13 કરોડ રૂપિયાની છે.