44 વર્ષની ઉંમરે ઐશ્વર્યા રાય પ્રથમ વખત કરશે આ કામ, જાણો વિગતે

ઐશ્વર્યાએ ઈંસ્ટાગ્રામ પર આવવાનો નિર્ણય કરણ જોહર અને મનીષ મલ્હોત્રાના કહેવા પર લીધો છે. પૂર્વ મિસ વર્લ્ડ ઐશ્વર્યા બે વર્ષ બાદ ફિલ્મ ‘ફન્ને ખાં’ દ્વારા રૂપેરી પડદે પાછી ફરશે. આ ફિલ્મમાં ઐશ્વર્યા સાથે અનિલ કપૂર અને રાજકુમાર રાવ જોવા મળશે. અતુલ માંજરેક્ટર આ ફિલ્મના ડિરેક્ટર છે. આ ફિલ્મ 13 જુલાઈએ રિલીઝ થશે.

મીડિયા અહેવાલ અનુસાર ઐશ્વર્યા 11 મેથી ઈંસ્ટાગ્રામ પર આવી જશે. મહત્વનું છે કે ઐશ્વર્યા 12મેએ કાન ફિલ્મ ફેસ્ટિવલના રેડ કાર્પેટ પર જોવા મળશે. એવામાં આશા છે કે ઐશ્વર્યા આ તસવીરો ઈંસ્ટાગ્રામ પર પોસ્ટ કરશે. ઉલ્લેખનીય છે કે, ઐશ્વર્યા સિવાય કરીના કપૂર, રાની મુખર્જી અને કંગના રનૌત જેવી એક્ટ્રેસ આજે પણ સોશિયલ મીડિયાથી દૂર છે.