બિટકોઈન કૌભાંડમાં આ બોલિવૂડ એક્ટ્રેસના પતિને EDએ મોકલ્યું સમન્સ, જાણો વિગત

આ પહેલા પણ રાજ કુંદ્રાનું નામ આઈપીએલ સટ્ટાબાજીમાં સામે આવી ચૂક્યું છે. ફિક્સિંગના આરોપમાં ઘેરાયા બાદ રાજ કુંદ્રા પર ક્રિકેટ ગતિવિધિને લઈ આજીવન પ્રતિબંધ લગાવી દીધો હતો.

એક સીનિયર ઈડી અધિકારીએ જણાવ્યું કે, રાજ કુંદ્રા આ મામલામાં દોષી છે કે પછી એક ઇન્વેસ્ટર તે ન કહી શકાય. આ બધી વાતો તેનું નિવેદન નોંધાયા બાદ જ કહી શકાશે.

પુણે પોલીસની ક્રાઈમ સેલ અને ઈડીની તપાસમાં રાજ કુંદ્રા સહિત બોલિવૂડના અનેક સિતારા આ પ્રકારની સ્કીમને પ્રમોટ કરી રહ્યા હોવાનું સામે આવ્યું હતું. અમિત ભારદ્વાજે એક વેબસાઇટ બનાવી અનેક લોકોને કરોડોનો ચૂનો લગવ્યો હતો. આ કૌભાંડની રકમ 2000 કરોડ રૂપિયા સુધી આંકવામાં આવી હતી.

શિલ્પા-રાજ આઈપીએલ ટીમ રાજસ્થાન રોયલ્સના સહમાલિક હતા. રાજ કુંદ્રાએ પોલીસ પૂછપરછમાં ફિક્સિંગની વાત સ્વિકારી હતી. સટ્ટાબાજો આરોપ લાગ્યા બાદ રાજસ્થાન રોયલ્સ પર બે વર્ષનો પ્રતિબંધ લાગ્યો હતો.

મુંબઈઃ બિટકોઈન કૌભાંડમાં અભિનેત્રી શિલ્પા શેટ્ટીના પતિ રાજ કુંદ્રાને ઈડીએ સમન્સ મોકલ્યું છે. રાજ કુંદ્રા તેનું નિવેદન નોંધાવવા મુંબઈની ઈડી ઓફિસે પહોંચી ગયો છે. થોડા દિવસો પહેલા આ મામલાના મુખ્ય આરોપી અમિત ભારદ્વાજની પુણેથી ધરપકડ કરવામાં આવી હતી.

બિટકોઈનની શરૂઆત જાન્યુઆરી 2009માં થઈ હતી. આ વર્ચુઅલ કરન્સીનો ઉપયોગ કરી વિશ્વના કોઈ પણ ખૂણામાં પેમેન્ટ કરી શકાય છે. તેની સૌથી ખાસ વાત એ છે કે ચૂકવણી માટે કોઈ બેંકને માધ્યમ બનાવવાની જરૂર પડતી નથી.