AR Rahman On Oscars: 'ઓસ્કાર માટે ખોટી ફિલ્મો મોકલવામાં આવી રહી છે', AR રહેમાને કેમ આટલું મોટું નિવેદન કેમ આપ્યું?

AR Rahman On Oscars: સંગીતકાર એ.આર. રહેમાનનું કહેવું છે કે ખોટી ફિલ્મો પસંદ કરીને ઓસ્કાર માટે મોકલવામાં આવી છે.જાણો આખરે તેમણે કેમ આવું કહેવું પડ્યું.

ફાઇલ તસવીર

AR Rahman On Oscars: ઓસ્કાર એવોર્ડ સમારોહ 2023માં ભારતની ફિલ્મો જોરદાર રીતે છવાઇ ગઈ. RRRના ગીતો 'નાટુ-નાટુ' અને 'ધ એલિફન્ટ વ્હીસ્પર્સ'એ ઓસ્કાર એવોર્ડ જીતીને ફરી એકવાર દેશનું નામ સમગ્ર વિશ્વમાં રોશન કર્યું. આ દરમિયાન બે ઓસ્કાર જીતી ચૂકેલા એઆર રહેમાનનો એક ઈન્ટરવ્યુ સામે આવ્યો છે. જેમાં તેણે કહ્યું છે કે ઓસ્કાર માટે ભારતમાંથી ખોટી ફિલ્મો મોકલવામાં આવી રહી છે.

ટેકનોલોજીનો વિકાસ બદલાયો છે

ઇન્ટરવ્યુ દરમિયાન એલ સુબ્રમણ્યમે એઆર રહેમાનને પૂછ્યું કે તેમણે ઘણા બધા સંગીતકારો અને ઓર્કેસ્ટ્રા સાથે સંગીત કંપોઝ કરવાની જૂની રીત કેવી રીતે બદલી, જેના પર રહેમાને કહ્યું, "તે ટેક્નોલોજીના વિકાસને કારણે છે. અગાઉ એક ફિલ્મ માટે માત્ર આઠ ટ્રેક હતા, કારણ કે હું જિંગલ બેકગ્રાઉન્ડમાંથી આવ્યો હતો, તેથી મારી પાસે 16 ટ્રેક હતા અને હું તેની સાથે ઘણું બધું કરી શકતો હતો.

મને પ્રયોગ કરવાનો મોકો મળ્યો

એઆર રહેમાને વધુમાં કહ્યું, “ઓર્કેસ્ટ્રા મોંઘું હતું, પરંતુ તમામ મોટા ઇન્સ્ટ્રૂમેન્ટ્સ નાના થઈ ગયા. આનાથી મને પ્રયોગ અને નિષ્ફળ થવા માટે પુષ્કળ સમય મળ્યો. મારી નિષ્ફળતા કોઈ જાણતું નથી, તેઓએ માત્ર મારી સફળતા જોઈ છે કારણ કે આ બધું સ્ટુડિયોની અંદર થયું હતું. તો ઘરના સ્ટુડિયોના કારણે મને આઝાદી મળી.

તેમણે કહ્યું "તેનાથી મને પ્રયોગ કરવાની ઘણી સ્વતંત્રતા મળી... અલબત્ત આપણે બધાને પૈસાની જરૂર છે, પરંતુ તેનાથી પણ આગળ મને જુસ્સો હતો." મારો મતલબ પશ્ચિમ જે કરી રહ્યું છે તો આપણે કેમ ન કરી શકીએ? જ્યારે આપણે તેમનું સંગીત સાંભળીએ છીએ. ત્યારે તેઓ આપણું સંગીત કેમ સાંભળી શકતા નથી? હું મારી જાતને પૂછું છું કે બહેતર પ્રોડક્શન, સારી ગુણવત્તા, બહેતર ડિસ્ટ્રિબ્યુશન અને નિપુણતા કેવી રીતે હોઈ શકે...જે હજુ પણ મને પ્રેરણા આપે છે''.

ઓસ્કાર માટે ખોટી ફિલ્મો મોકલવામાં આવી રહી છે

એઆર રહેમાને કહ્યું કે, ક્યારેક હું જોઉં છું કે આપણી ફિલ્મો ઓસ્કાર સુધી જાય છે. પરંતુ એવોર્ડ નથી મળતા. ઓસ્કાર માટે ખોટી ફિલ્મો મોકલવામાં આવી રહી છે. મને લાગે છે કે આવું બિલકુલ ન કરવું જોઈએ. આપણે સામેની વ્યક્તિના દૃષ્ટિકોણથી વિચારવું જોઈએ. અહીં શું થઈ રહ્યું છે તે જોવા માટે મારે પશ્ચિમી દેશની જેમ વિચારવું પડશે. આપણે આપણી જગ્યાએ રહીને આપણી રીતે વિચારવું જોઈએ. જણાવી દઈએ કે આ એક જૂનો ઈન્ટરવ્યુ છે જે જાન્યુઆરીમાં શૂટ કરવામાં આવ્યો હતો.