Athiya Shetty KL Rahul Wedding: થોડા જ મહિનામાં કેએલ રાહુલની દુલ્હનિયા બનશે આથિયા શેટ્ટી, લગ્નની તૈયારીઓ પુરજોશમાં શરુ

બોલિવૂડ અભિનેત્રી આથિયા શેટ્ટી, ભારતીય ક્રિકેટર કે.એલ. રાહુલ (KL Rahul) લાંબા સમયથી એકબીજાને ડેટ કરી રહ્યાં છે.

કેએલ રાહુલ અને આથિયા શેટ્ટી

Athiya Shetty KL Rahul Wedding: બોલિવૂડ અભિનેત્રી આથિયા શેટ્ટી, ભારતીય ક્રિકેટર કે.એલ. રાહુલ (KL Rahul) હેડલાઈન્સનો હિસ્સો બની રહે છે. બંને લાંબા સમયથી એકબીજાને ડેટ કરી રહ્યાં છે. બંને ઘણીવાર સાથે જોવા મળે છે. આથિયા અને કેએલ રાહુલે થોડા સમય પહેલા જ તેમના સંબંધોને સત્તાવાર જાહેર કર્યા હતા. બંનેના લગ્નની ચાહકો આતુરતાથી રાહ જોઈ રહ્યા છે અને હવે આ રાહ ટૂંક સમયમાં પૂરી થવા જઈ રહી છે.

અથિયા અને કેએલ રાહુલ આગામી ત્રણ મહિનામાં જ લગ્ન કરવા માટે તૈયાર છે. આથિયા શેટ્ટીની નજીકના સૂત્રએ ઈન્ડિયા ટુડેને જણાવ્યું હતું કે, લગ્નની તૈયારીઓ પૂરજોશમાં ચાલી રહી છે અને રાહુલના માતા-પિતા તાજેતરમાં જ આથિયાના પરિવારને મળવા મુંબઈ ગયા હતા.

આથિયા પણ કરી રહી છે તૈયારીઓઃ
અથિયા અને રાહુલ તેમના પરિવારો સાથે તાજેતરમાં નવા ઘરની મુલાકાતે આવ્યા હતા કારણ કે તેઓ લગ્ન પછી આ ઘરમાં શિફ્ટ થશે. સૂત્રોના જણાવ્યા અનુસાર, લગ્ન મુંબઈમાં થશે અને અથિયા પોતે જ તમામ લગ્નની  તૈયારી કરી રહી છે.

જ્યારે કેએલ રાહુલ ઈંગ્લેન્ડ પ્રવાસ પહેલાં ઈજાગ્રસ્ત થયો હતો, ત્યારે તે સર્જરી માટે જર્મની ગયો હતો. આ દરમિયાન આથિયા પણ કેએલ રાહુલની સંભાળ લેવા માટે તેની સાથે ગઈ હતી.

ઉલ્લેખનીય છે કે, આથિયા અને કેએલ રાહુલ એકબીજા પર પ્રેમ વરસાવતા રહે છે. તેઓ સાથે મળીને અવારનવાર સોશિયલ મીડિયા પર ફોટા શેર કરે છે, જે પોસ્ટ થતાની સાથે જ વાયરલ થઈ જાય છે. ચાહકો આ બંનેની જોડીને ખૂબ પસંદ કરે છે.

આ પણ વાંચોઃ