બૉલીવુડને ફરી મોટો ઝટકો, હૉલીવુડની 'થૉરઃ લવ એન્ડ થન્ડર'એ બે જ દિવસમાં કરી દીધી કરોડોની કમાણી, જાણો આંકડો

હૉલીવુડ સુપરસ્ટાર ક્રિસ હેમ્સવર્થ સ્ટારર થૉરઃ લવ એન્ડ થન્ડર સાત જુલાઇએ ભારતમાં રિલીઝ થઇ. ફિલ્મને સારો પ્રતિસાદ મળી રહ્યો છે.

ફાઇલ તસવીર

Thor: Love And Thunder Affected Bollywood films: બૉલીવુડ ફિલ્મો પર આજકાલ બીજી ઇન્ડસ્ટ્રીની ફિલ્મો વધુ હાવી થઇ રહી છે. એકબાજુ સાઉથ ફિલ્મોનો બૉક્સ ઓફિસ પર દબદબો બનેલો છે, તો બીજીબાજુ હવે હૉલીવુડ ફિલ્મો પણ બૉલીવુડને પટખની આપી રહી છે. ‘ભૂલ ભૂલૈયા 2’ ને છોડી દેવામાં આવે તો તાજેતરમાં જ રિલીઝ થયેલી જુગ જુગ જિઓ, રૉકેટ્રીઃ ધ નમ્બી ઇફેક્ટ, રાષ્ટ્રીય  કવચ ઓમ જેવી ફિલ્મો બૉક્સ ઓફિસ પર જબરદસ્ત ધોવાઇ ગઇ છે. 

વળી આ શુક્રવારે સિનેમાઘરમાં એન્ટ્રી કરનારી ખુદા હાફિદ ચેપ્ટર 2 અગ્નિપરીક્ષા (khuda haafiz chapter 2)  પણ પહેલા દિવસે ફૂસ્સ સાબિત થઇ. પણ બધાની વચ્ચે રિલીઝ થયેલી હૉલીવુડ ફિલ્મ ‘થૉરઃ લવ એન્ડ થન્ડર' (Thor: Love And Thunder) ભારતમાં ધૂમ મચાવી રહી છે. આવામાં બૉલીવુડ ફિલ્મોને કમાણીમાં મોટો ઝટકો લાગી રહ્યો છે.

ક્રિસ હેમ્સવર્થની ફિલ્મની ઓપનિંગ રહી શાનદાર -
હૉલીવુડ સુપરસ્ટાર ક્રિસ હેમ્સવર્થ સ્ટારર થૉરઃ લવ એન્ડ થન્ડર સાત જુલાઇએ ભારતમાં રિલીઝ થઇ. ફિલ્મને સારો પ્રતિસાદ મળી રહ્યો છે. ફિલ્મ સમીક્ષક તરણ આદર્શ અનુસાર, પહેલા દિવસે આ ફિલ્મ 18.60 કરોડની કમાણી કરવામાં સફળ રહી. જોકે, બીજા દિવસે આની કમાણી થોડી ઘટી. જોકે, વીકેન્ડ પર રેકોર્ડતોડ કમાણીની આશા છે, કેમ કે બૉલીવુડની કોઇપણ ફિલ્મ આ સમયે દર્શકોની ભીડ એકઠી કરવામાં સફળ નથી રહી. 

ઉલ્લેખનીય છે કે, છેલ્લા કેટલાય સમયથી બૉલીવુડ અને સાઉથ ફિલ્મો વચ્ચે કમાણી મામલે જોરદાર ટક્કર જોવા મળી રહી છે. આમાં સાઉથ ઇન્ડસ્ટ્રી બાજી મારી ગઇ છે. પુષ્પા, બાદ આરઆરઆર અને કેજીએફે જબરદસ્ત કમાણી કરીને બૉલીવુડ ફિલ્મોને પછાડી દીધી છે.

આ પણ વાંચો....