(Source: ECI/ABP News/ABP Majha)
Sidharth Kiara Wedding: સિદ્ધાર્થ-કિયારાના ઈન્ટિમેટ વેડિંગનો ઈન્સાઈડ ફોટો સામે આવ્યો, શાહી અંદાજમાં થઈ હતી તૈયારીઓ
Sidharth Malhotra Kiara Advani Wedding: સિદ્ધાર્થ મલ્હોત્રા અને કિયારા અડવાણીના લગ્ન થઈ ગયા છે અને કપલના લગ્નની અંદરની તસવીર બહાર આવી છે.
Sidharth Malhotra Kiara Advani Wedding: સિદ્ધાર્થ મલ્હોત્રા અને કિયારા અડવાણીના લગ્ન થઈ ગયા છે. ત્યારે કપલના લગ્નની અંદરની તસવીર બહાર આવી છે. હવે સિડ અને કિયારાના લગ્નનો એક અંદરનો ફોટો સામે આવ્યો છે. બંનેના લગ્નને ખૂબ જ ગુપ્ત રાખવામાં આવ્યા હતા, કોઈને પણ ફોટોગ્રાફ લેવાની કે પોસ્ટ કરવાની મનાઈ હતી. લગ્નના કાર્યક્રમોના આયોજન સાથે સંકળાયેલા લોકોને પણ ફોનનો ઉપયોગ કરવાની પરવાનગી આપવામાં આવી ન હતી.
જુહી ચાવલાએ ફોટો શેર કર્યો
હવે લગ્નની અંદરની બે તસવીરો સામે આવી છે. આ તસવીરો અન્ય કોઈએ નહીં પરંતુ અભિનેત્રી જુહી ચાવલાએ શેર કરી છે. જુહી ચાવલા કિયારા અડવાણીના પિતા જગદીપ અડવાણીની બાળપણની મિત્ર છે અને અભિનેત્રીના પરિવાર સાથે ગાઢ સંબંધ ધરાવે છે. જુહીએ પતિ જય મહેતા સાથે જેસલમેરમાં શેરશાહ દંપતીના લગ્નમાં હાજરી આપી હતી. જુહી ચાવલા જે સોશિયલ મીડિયા પર ખૂબ જ સક્રિય છે. તેણે સિદ્ધાર્થ મલ્હોત્રા અને કિયારા અડવાણીના લગ્નમાં શું પહેર્યું હતું તે જાહેર કરવા માટે તેના સત્તાવાર ઇન્સ્ટાગ્રામ હેન્ડલ પર એક ફોટો શેર કર્યો છે શ્યામલ અને ભૂમિકા દ્વારા ડિઝાઇન કરાયેલ મરૂન એમ્બ્રોઇડરીવાળા શરારા સેટમાં જુહી સુંદર લાગી રહી હતી. તેણીએ પેસ્ટલ ગુલાબી દુપટ્ટા, સ્ટેટમેન્ટ ચોકર અને મેચિંગ માંગ ટીક્કા સાથે તેનો દેખાવ પૂર્ણ કર્યો હતો.
View this post on Instagram
કિયારા- સિદ્ધાર્થના લગ્ન સુર્યગઢ પેલેસમાં થયા હતા
કિયારા અને સિદ્ધાર્થના લગ્ન રાજસ્થાનના જેસલમેરના સૂર્યગઢ કિલ્લામાં થયા હતા. આ લગ્નમાં બોલિવૂડના કેટલાક સેલેબ્સે હાજરી આપી હતી, જેમાં ફિલ્મ નિર્માતા કરણ જોહર, પીઢ અભિનેત્રી જૂહી ચાવલા, ડિઝાઇનર મનીષ મલ્હોત્રા, કિયારાના કબીર સિંહ કો-સ્ટાર શાહિદ કપૂર અને તેની પત્ની મીરા રાજપૂત, દંપતીના પરિવારના સભ્યો અને કેટલાક નજીકના લોકોએ લગ્નમાં હાજરી આપી હતી. લગ્નમાં હાજરી આપવા ગયેલી જૂહી ચાવલાએ એરપોર્ટ પર બંનેના લગ્ન વિશે વાત કરતા કહ્યું કે આ બંને ખૂબ જ ક્યૂટ કપલ છે અને એકસાથે સારા લાગે છે. બંનેને તેમના લગ્ન માટે ઘણી શુભેચ્છાઓ પણ આપવામાં આવી હતી.
ટ્રેન્ડિંગ સમાચાર
ટોપ સ્ટોરી
