Laal Singh Chaddha Box Office Collection: આમિર ખાનની ફિલ્મ બોક્સ ઓફિસ પર પછડાઇ, બીજા દિવસે કર્યો આટલો બિઝનેસ

આમિર ખાનની ફિલ્મ ‘લાલ સિંહ ચઢ્ઢા’ સિનેમાઘરોમાં રિલીઝ થઈ ગઇ છે. આ ફિલ્મ હોલિવૂડ ફિલ્મ ફોરેસ્ટ ગમ્પની હિન્દી રીમેક છે

ફોટોઃ ટ્વિટર

Laal Singh Chaddha Box Office Collection Day 2: આમિર ખાનની ફિલ્મ ‘લાલ સિંહ ચઢ્ઢા’ સિનેમાઘરોમાં રિલીઝ થઈ ગઇ છે. આ ફિલ્મ હોલિવૂડ ફિલ્મ ફોરેસ્ટ ગમ્પની હિન્દી રીમેક છે. દર્શકોને આમિરની લાલ સિંહ ચઢ્ઢા પાસેથી ઘણી અપેક્ષાઓ હતી, પરંતુ હવે કમાણી જોઈને લાગી રહ્યું છે કે લોકો આ ફિલ્મને વધુ પસંદ કરી રહ્યા નથી. લાલ સિંહ ચઢ્ઢાએ પહેલા દિવસે 12 કરોડનો બિઝનેસ કર્યો હતો અને હવે બીજા દિવસનું કલેક્શનનો આંકડો બહાર આવ્યો છે.

#LaalSinghChaddha Second Day Business https://t.co/oWdd12Byez

— Box Office India (@Box_Off_India) August 13, 2022

લાલ સિંહ ચઢ્ઢાની વાત કરીએ તો આ ફિલ્મમાં આમિર સાથે કરીના કપૂર, નાગા ચૈતન્ય અને મોના સિંહ લીડ રોલમાં જોવા મળ્યા છે. સોશિયલ મીડિયા પર ફિલ્મનો બહિષ્કાર કરવાની માંગ ઉઠી છે. જેની બોક્સ ઓફિસ કલેક્શન પર પણ સ્પષ્ટ અસર જોવા મળી રહી છે.

બીજા દિવસે આટલી કરી કમાણી

બોક્સ ઓફિસ ઈન્ડિયાના રિપોર્ટ અનુસાર, બોક્સ ઓફિસ પર લાલ સિંહ ચઢ્ઢાની હાલત ખૂબ જ ખરાબ છે. ફિલ્મે બીજા દિવસે લગભગ 7 કરોડનો બિઝનેસ કર્યો છે. જે બાદ ફિલ્મની કુલ કમાણી 19 કરોડની આસપાસ થશે. આ ફિલ્મે પહેલા દિવસે 12 કરોડનો બિઝનેસ કર્યો હતો, જે આમિરની રિલીઝ થયેલી ફિલ્મોના શરૂઆતના દિવસે કલેક્શનમાં સૌથી ઓછો માનવામાં આવે છે.

બીજા દિવસનું કલેક્શન આટલું ઓછું થયા બાદ વીકએન્ડ પર ફિલ્મના કલેક્શનમાં વધારો થવાની આશા ઘણી ઓછી લાગે છે. લાલ સિંહ ચડ્ઢાને પણ રક્ષાબંધનની રજાનો ખાસ ફાયદો થયો નથી. આમિર ખાનની લાલ સિંહ ચઢ્ઢાની બોક્સ ઓફિસ પર અક્ષય કુમારની રક્ષાબંધન સાથે ટક્કર છે. બંને ફિલ્મો મોટા સ્ટાર્સની છે અને બંને બોક્સ ઓફિસ પર કંઈ ખાસ કમાલ કરી શકી નથી.