Pathaan Box Office Collection Day 1: શાહરૂખ ખાનની 'પઠાણ'એ પ્રથમ દિવસે તોડ્યા આ ફિલ્મોના રેકોર્ડ, ઓપનિંગ ડે પર આટલા કરોડની કરી કમાણી

સુપરસ્ટાર શાહરૂખ ખાનની ફિલ્મ ‘પઠાણ’ 25 જાન્યુઆરીએ થિયેટર્સમાં રીલિઝ થઇ હતી

પઠાણ

Pathaan Box Office Collection Day 1: સુપરસ્ટાર શાહરૂખ ખાનની ફિલ્મ ‘પઠાણ’ 25 જાન્યુઆરીએ થિયેટર્સમાં રીલિઝ થઇ હતી. પહેલા જ દિવસે આ ફિલ્મે બોક્સ ઓફિસ પર ધમાલ મચાવી દીધી હતી. ટ્રેડ પંડિતોનું માનવું છે કે શાહરૂખ ખાનની 'પઠાણ' પહેલા દિવસે ઐતિહાસિક કમાણી કરી શકે છે. આ દરમિયાન ફિલ્મની પહેલા દિવસની કમાણીનો આંકડો સામે આવ્યો છે.

#Pathaan at national chains… Day 1… Update: 8.15 pm.#PVR: 11.40 cr#INOX: 8.75 cr#Cinepolis 4.90 cr
Total: ₹ 25.05 cr
SUPERB.

Note: Better than #War [₹ 19.67 cr], #TOH [₹ 18 cr] and #KGF [₹ 22.15 cr] - *entire day* numbers at multiplex chains. pic.twitter.com/bHmdT5Qd46

— taran adarsh (@taran_adarsh) January 25, 2023

ટ્રેડ એનાલિસ્ટ તરણ આદર્શે જણાવ્યું હતું કે નેશનલ ચેઈન્સ થિયેટર્સમાં રાત્રે 8.15 વાગ્યા સુધી 'પઠાણ'એ 25 કરોડથી વધુની કમાણી કરી છે. આ રીતે ફિલ્મ પઠાણે 'વોર', 'ઠગ્સ ઓફ હિન્દોસ્તાન' અને 'કેજીએફ'ના ઓપનિંગ ડે કલેક્શનનો રેકોર્ડ તોડી નાખ્યો છે.

'પઠાણે' આટલા કરોડની કમાણી કરી

તરણ આદર્શે ટ્વીટ કર્યું કે શાહરૂખ ખાનની 'પઠાણ'એ PVR પાસેથી 11.40 કરોડ, INOX પાસેથી 8.75 કરોડ, Cinepolis પાસેથી 4.90 કરોડનું કલેક્શન કર્યું છે. આ રીતે 'પઠાણ'એ આ નેશનલ થિયેટર ચેનમાંથી અત્યાર સુધીમાં 25.05 કરોડ રૂપિયાની કમાણી કરી છે. ફિલ્મના કલેક્શનના આ આંકડા રાત્રે 8.15 વાગ્યા સુધીના છે.

શાહરૂખે આ ફિલ્મોના રેકોર્ડ તોડ્યા

ટ્રેડ એનાલિસ્ટે એ પણ જણાવ્યું હતું કે 'વોર'એ શરૂઆતના દિવસે 19.67 કરોડ રૂપિયા, 'ઠગ્સ ઑફ હિન્દોસ્તાન'એ 18 કરોડ અને 'KGF'એ 22.15 કરોડ રૂપિયાનું કલેક્શન કર્યું હતું. જો આ રીતે જોવામાં આવે તો 'પઠાણ' એ પહેલા જ દિવસે આ ફિલ્મોનો રેકોર્ડ તોડી નાખ્યો છે.

પઠાણમાં શાહરૂખ ખાન સિવાય દીપિકા પાદુકોણ, જોન અબ્રાહમ, આશુતોષ રાણા અને ડિમ્પલ કાપડિયા જેવા સ્ટાર્સ છે. શાહરૂખ ખાનનો RAW એજન્ટનો રોલ દર્શકોને ખૂબ જ પસંદ છે. અબ્રાહમે આ ફિલ્મમાં વિલનની ભૂમિકા ભજવી હતી.

ઉલ્લેખનીય છે કે, 'પઠાણ' બાદ શાહરૂખ ખાન 'ડંકી' અને 'જવાન' જેવી ફિલ્મોમાં જોવા મળશે. ગયા વર્ષે રાજકુમાર હિરાની અને શાહરૂખ ખાને એક વીડિયો રિલીઝ કરતી વખતે 'ડંકી'ની જાહેરાત કરી હતી. 'જવાન'માંથી શાહરૂખનો લુક સામે આવ્યો છે. 'પઠાણ'ની જેમ આ પણ એક એક્શન ફિલ્મ હશે, જેનું દિગ્દર્શન પ્રખ્યાત નિર્દેશક એટલી કરી રહ્યા છે. આ ફિલ્મમાં વિજય સેતુપતિ વિલનની ભૂમિકામાં જોવા મળશે.