'પાણીપત'ના હીરોનું નિધન, ઘરમાં બે-ત્રણ દિવસથી મૃત હાલતમાં પડ્યો હતો એક્ટર, પોલીસે દરવાજો તોડીને બહાર કાઢ્યો ને.....

માહિતી મળતાં જ તાલેગાંવ MIDC પોલીસ સ્ટેશનની ટીમ ઘટનાસ્થળે પહોંચી ગઈ હતી. પોલીસને એપાર્ટમેન્ટને અંદરથી તાળું મારેલું જોવા મળ્યું હતું.

તસવીર

Ravindra Mahajani Death: ટીવી અને ફિલ્મ જગતમાંથી ફેન્સ માટે માઠા સમાચાર સામે આવ્યા છે. મરાઠી અભિનેતા-દિગ્દર્શક રવિન્દ્ર મહાજની શુક્રવારે પૂણેના તાલેગાંવ દાભાડેમાં ભાડાના એપાર્ટમેન્ટમાં મૃત હાલતમાં મળી આવ્યા હતા. પોલીસના જણાવ્યા અનુસાર, મુંબઈના રહેવાસી રવિન્દ્ર મહાજની લગભગ આઠ મહિનાથી અંબી, તાલેગાંવ દાભાડેની ઝરબિયા સોસાયટીમાં ભાડાના એપાર્ટમેન્ટમાં એકલા રહેતા હતા, શુક્રવારે સાંજે લગભગ 4.30 વાગ્યે એપાર્ટમેન્ટમાંથી દુર્ગંધ આવવા લાગી અને પાડોશીઓએ પોલીસને જાણ કરી હતી.

ઘરનો દરવાજો તોડીને પોલીસને રવિન્દ્રની લાશ બહાર કાઢી - 
માહિતી મળતાં જ તાલેગાંવ MIDC પોલીસ સ્ટેશનની ટીમ ઘટનાસ્થળે પહોંચી ગઈ હતી. પોલીસને એપાર્ટમેન્ટને અંદરથી તાળું મારેલું જોવા મળ્યું હતું. આ પછી સ્થાનિક લોકોની હાજરીમાં જ્યારે પોલીસ દરવાજો તોડીને અંદર પ્રવેશી તો ત્યાંનું દ્રશ્ય જોઈને બધા ચોંકી ગયા. અંદર રવિન્દ્ર મહાજનીની લાશ પડી હતી. પોલીસે જણાવ્યું કે એપાર્ટમેન્ટના માલિકે મૃતક શખ્સની ઓળખ રવિન્દ્ર મહાજની તરીકે કરી છે.

પોલીસના જણાવ્યા અનુસાર, એવું લાગે છે કે અભિનેતાનું મૃતદેહ મળ્યાના લગભગ બેથી ત્રણ દિવસ પહેલા મૃત્યુ થયું હતું. પોલીસે દિવંગત અભિનેતાના પરિવારને જાણ કરી છે. હાલમાં પોલીસે અભિનેતાના મૃત્યુનું કારણ જાણવા માટે તેના મૃતદેહને પૉસ્ટમૉર્ટમ માટે મોકલી દીધો છે.

રવિન્દ્ર મહાજનીની કેરિયર - 
બેલગામમાં જન્મેલા રવિન્દ્ર મહાજનીએ પોતાના અભિનયની સફર ફિલ્મ 'સાત હિન્દુસ્તાની'થી શરૂ કરી હતી જેમાં તેને પોલીસ ઈન્સ્પેક્ટરની ભૂમિકા ભજવી હતી. 1974માં કિરણ શાંતારામ દ્વારા નિર્દેશિત ફિલ્મ ઝુંઝથી તેમને સફળતા મળી હતી. આ પ્રૉજેક્ટની સફળતાએ તેમની કારકિર્દીને નવી ઊંચાઈ આપી. આ પછી તેમની ઘણી ફિલ્મો આવી જેમાં 'આરામ હરામ હૈ', 'લક્ષ્મી', 'લક્ષ્મી ચી પાવલમ', 'દેવતા', 'ગોંધલત ગાંડલ' અને 'મુંબઈ ચા ફોજદાર' સામેલ છે. તેણે 2019 સુધી ફિલ્મોમાં કામ કરવાનું ચાલુ રાખ્યું. તે છેલ્લે અર્જૂન કપૂર અને કૃતિ સેનન સ્ટારર ફિલ્મ 'પાનીપત'માં જોવા મળ્યો હતો.

દિવંગત અભિનેતાના પુત્ર ગશ્મીર મહાજાની પણ અભિનેતા છે.
રવિન્દ્ર મહાજાનીનો દીકરો ગશ્મીર મરાઠી અને ટેલિવિઝન બંને ઉદ્યોગમાં ખૂબ જ પ્રખ્યાત છે. અભિનેતાએ તાજેતરમાં ડાન્સ રિયાલિટી શૉ 'ઝલક દિખલા જા'માં સ્પર્ધક બનીને હેડલાઇન્સ બનાવી હતી. ગશ્મીર પ્રખ્યાત ટીવી સીરિયલ 'ઇમલી'માં પણ જોવા મળ્યો હતો.                 

Join Our Official Telegram Channel: https://t.me/abpasmitaofficial