Shah Rukh Khan: શાહરૂખ ખાનને હોસ્પિટલમાંથી મળી રજા,મીડિયાને હાથ તાળી આપી એરપોર્ટ રવાના
Shah Rukh Khan Discharged: શાહરૂખ ખાનને હોસ્પિટલમાંથી રજા આપવામાં આવી છે. લગભગ 30 કલાક સુધી હોસ્પિટલમાં દાખલ રહ્યા બાદ સુપરસ્ટારને રજા આપવામાં આવી છે.
Shah Rukh Khan Discharged: શાહરૂખ ખાનને હોસ્પિટલમાંથી રજા આપવામાં આવી છે. લગભગ 30 કલાક સુધી હોસ્પિટલમાં દાખલ રહ્યા બાદ સુપરસ્ટારને રજા આપવામાં આવી છે. ડિસ્ચાર્જ બાદ શાહરૂખ ખાન એરપોર્ટ જવા રવાના થઈ ગયા છે.
Actor Shah Rukh Khan has been discharged from Ahmedabad's KD Hospital: Ahmedabad Rural SP
Shah Rukh Khan was admitted to KD Hospital in Ahmedabad, Gujarat yesterday due to heat stroke and dehydration.— ANI (@ANI) May 23, 2024
અમદાવાદની કેડી હોસ્પિટલમાં દાખલ શાહરૂખ ખાનને અડધા કલાક પહેલા રજા આપવામાં આવી હતી. સમાચાર અનુસાર, શાહરૂખ ખાનની એક ઝલક મેળવવા માટે સમગ્ર મીડિયા આખો દિવસ મુખ્ય ગેટ પર ઊભું હતું. પરંતુ શાહરૂખ ત્યાંથી ન નીકળ્યો, પાછળના ગેટની બહાર ગયો અને ત્યાંથી નીકળી ગયો. એવા અહેવાલો છે કે શાહરૂખ હોસ્પિટલમાંથી રજા મળ્યા પછી તરત જ એરપોર્ટ પર ગયો હતો અને માહિતી સામે આવી છે કે તે મુંબઈ જવા રવાના થઈ ગયો છે.
મેનેજર પૂજા દદલાનીએ આપ્યા હતા હેલ્થ અપડેટ
સુપરસ્ટાર શાહરૂખ ખાનના સ્વાસ્થ્ય વિશે અપડેટ આપતા તેમની મેનેજર પૂજા દદલાનીએ કહ્યું કે તેઓ હવે ઠીક છે. તમને જણાવી દઈએ કે ગઈકાલે અમદાવાદમાં શાહરૂખ ખાનને ડીહાઈડ્રેશનના કારણે હોસ્પિટલમાં દાખલ કરવામાં આવ્યા હતા. કિંગ ખાનની મેનેજરે સોશિયલ મીડિયા પર પોસ્ટ કરીને તેના સ્વાસ્થ્ય વિશે જાણકારી આપી છે. પોતાની ઈન્સ્ટાગ્રામ સ્ટોરી પર પોસ્ટ કરતા પૂજાએ લખ્યું - હું મિસ્ટર ખાનના ફેન્સ અને શુભેચ્છકોને જણાવું કે તે હવે ઠીક છે. તમારા પ્રેમ, તમારી પ્રાર્થના અને તમારી ચિંતા માટે ખૂબ ખૂબ આભાર.
તમને જણાવી દઈએ કે ગઈકાલે એટલે કે 22 મે, 2024ના રોજ શાહરૂખ ખાનની તબિયત હીટસ્ટ્રોકના કારણે બગડી હતી અને ડીહાઈડ્રેશનના કારણે તેમને અમદાવાદની હોસ્પિટલમાં દાખલ કરવામાં આવ્યા હતા. તેમને બપોરે લગભગ 1 વાગ્યે અમદાવાદની કેડી હોસ્પિટલમાં દાખલ કરવામાં આવ્યા હતા, ત્યારબાદ તેમની પત્ની ગૌરી ખાન પણ સાંજ સુધીમાં હોસ્પિટલ પહોંચી હતી.
જુહા ચાવલાએ પણ હેલ્થ અપડેટ આપી હતી
અભિનેત્રી જુહી ખાન પણ તેના પતિ જય મહેતા સાથે શાહરૂખ ખાનની હાલત જાણવા હોસ્પિટલ ગઈ હતી. અભિનેત્રીએ પણ કિંગ ખાનની હેલ્થ અપડેટ આપી હતી. તેણે કહ્યું હતું કે, 'ગઈ રાત્રે શાહરૂખની તબિયત સારી ન હતી, પરંતુ તેની સંભાળ રાખવામાં આવી રહી છે અને આજે સાંજે તે વધુ સારું અનુભવી રહ્યો છે. ભગવાનની કૃપા રહી તો,તે ટૂંક સમયમાં સાજા થઈ જશે અને સપ્તાહના અંતે જ્યારે અમે ફાઈનલ રમીશું ત્યારે સ્ટેન્ડમાં ટીમને ઉત્સાહિત કરશે.
કિંગ ખાન પોતાની IPL ટીમને સપોર્ટ કરવા સ્ટેડિયમ પહોંચ્યો હતો
IPL ક્વોલિફાયર 1 મેચ 21 મે, 2024 ના રોજ અમદાવાદના નરેન્દ્ર મોદી સ્ટેડિયમ ખાતે રમાઈ હતી. આવી સ્થિતિમાં શાહરૂખ ખાન પોતાની IPL ટીમ KKRને સપોર્ટ કરવા માટે સ્ટેડિયમમાં હાજર હતો. તે સ્ટેડિયમમાં પુત્ર અબરામ અને પુત્રી સુહાના ખાન સાથે ટીમને ચીયર કરતો જોવા મળ્યો હતો.
ટ્રેન્ડિંગ સમાચાર
ટોપ સ્ટોરી
