Jawan Trailer Launch: દુબઈમાં 'જવાન' નું ટ્રેલર લોન્ચ કરવા પહોંચ્યો શાહરુખ! બુર્જ ખલિફા પર છવાઈ અભિનેતાની તસવીર 

શાહરૂખ ખાન તેની ફિલ્મ જવાનને લઈને ચર્ચામાં છે. આ ફિલ્મ  7 સપ્ટેમ્બરે રિલીઝ થવા માટે તૈયાર છે. એટલી દ્વારા નિર્દેશિત મોસ્ટ અવેટેડ ફિલ્મનું ટ્રેલર 31 ઓગસ્ટે રિલીઝ થશે.

તસવીર સોશિયલ મીડિયા

Jawan Trailer Launch: શાહરૂખ ખાન તેની ફિલ્મ જવાનને લઈને ચર્ચામાં છે. આ ફિલ્મ  7 સપ્ટેમ્બરે રિલીઝ થવા માટે તૈયાર છે. એટલી દ્વારા નિર્દેશિત મોસ્ટ અવેટેડ ફિલ્મનું ટ્રેલર 31 ઓગસ્ટે રિલીઝ થશે. એવું કહેવામાં આવી રહ્યું છે કે ટ્રેલર લોન્ચ માટે શાહરૂખ ખાન દુબઈમાં એક મેગા ઈવેન્ટમાં હાજરી આપી શકે છે.  શાહરૂખ ખાને પોતે પોતાના X (Twitter) એકાઉન્ટ પર માહિતી આપી છે કે તે 'જવાન'ના ટ્રેલર લોન્ચ માટે દુબઈ જઈ રહ્યો છે. એવું કહેવામાં આવી રહ્યું છે કે ટ્રેલર લૉન્ચ ઇવેન્ટ માટે ટિકિટ બુકિંગ પણ શરૂ થઈ ગયું છે. જો કે આ સમાચાર અંગે હજુ સુધી કોઈ સત્તાવાર જાહેરાત કરવામાં આવી નથી.

શાહરૂખે પોસ્ટ કરીને માહિતી આપી હતી

શાહરૂખ ખાને લખ્યું- ' હું તમારી સાથે જવાનના જશ્નની ઉજવણી ન કરું  તે શક્ય નથી. 31મી ઓગસ્ટે રાત્રે 9 વાગે બુર્જ ખલીફા પર આવી રહ્યો છું, મારી સાથે જવાનની ઉજવણી કરો.  કારણ કે પ્રેમ એ દુનિયાની સૌથી સુંદર લાગણી છે, તો પ્રેમના રંગમાં રંગાઈ જાઓ શું કહો છો? તૈયાર!'
 
શાહરુખની ફિલ્મ જવાન ધમાલ મચાવવા તૈયાર છે

Jawan ka jashn main aapke saath na manau yeh ho nahin sakta. Aa raha hoon main Burj Khalifa on 31st August at 9 PM and celebrate JAWAN with me. And since love is the most beautiful feeling in the world, toh pyaar ke rang mein rang jao and lets wear red...what say? READYYYY! pic.twitter.com/IUi4AkGrZy

— Shah Rukh Khan (@iamsrk) August 28, 2023

જણાવી દઈએ કે 'જવાન' શાહરૂખ ખાનની આ વર્ષની બીજી ફિલ્મ છે. આ વર્ષની શરૂઆતમાં 'પઠાણ' રિલીઝ થઈ હતી, જેણે બોક્સ ઓફિસ પર ઘણા રેકોર્ડ તોડ્યા હતા અને ઘણી કમાણી પણ કરી હતી. હવે 'જવાન' મોટા પડદા પર ધમાલ મચાવવા માટે તૈયાર છે અને દર્શકો આ ફિલ્મની આતુરતાથી રાહ જોઈ રહ્યા છે.

'જવાન'માં જોવા મળશે આ સ્ટાર્સ

નયનતારા 'જવાન'માં શાહરૂખ ખાન સાથે લીડ રોલમાં જોવા મળશે. આ સિવાય ફિલ્મમાં પ્રિયમણી, સાન્યા મલ્હોત્રા, રિદ્ધિ ડોગરા અને વિજય સેતુપતિ પણ જોવા મળશે. ફિલ્મમાં દીપિકા પાદુકોણના કેમિયોના પણ સમાચાર છે. હાલમાં ફિલ્મના બે ગીત 'જિંદા બંદા' અને 'ચલેયા' રિલીઝ થયા છે, જે સોશિયલ મીડિયા પર ધૂમ મચાવી રહ્યા છે. ફેન્સને શાહરૂખ ખાનના હૂક સ્ટેપ્સ અને નયનતારા સાથેની કેમેસ્ટ્રી ખૂબ જ પસંદ આવી રહી છે.

'ડંકી' આ વર્ષે રિલીઝ થશે

'જવાન' રિલીઝ થયા બાદ શાહરૂખ ખાન તેની આગામી ફિલ્મ 'ડંકી'માં જોવા મળશે.આ ફિલ્મ આ વર્ષે ડિસેમ્બરમાં રિલીઝ થશે. તાપસી પન્નુ પણ રાજકુમાર હિરાની દ્વારા નિર્દેશિત ફિલ્મ ડંકીમાં શાહરૂખ ખાન સાથે જોવા મળશે.