SS Rajamouli: ઘણા વર્ષો પહેલા સિંધુ ઘાટીની સંસ્કૃતિ પર ફિલ્મ બનાવી લેતા એસએસ રાજામૌલી, પાકિસ્તાને ના આપી મંજૂરી!

રાજામૌલી ભારતની પ્રાચીન સંસ્કૃતિઓમાંની એક સિંધુ ઘાટી સભ્યતા પર ફિલ્મ બનાવવાના હતા, પરંતુ પાડોશી દેશ પાકિસ્તાન તેમના આ શાનદાર વિચારના માર્ગમાં આડું આવ્યું.

'RRR' Director SS Rajamouli

Anand Mahindra on SS Rajamouli: એસએસ રાજામૌલીએ તાજેતરમાં ખુલાસો કર્યો છે કે તેઓ પ્રાચીન મોહેંજોદરોની પ્રાચીન સભ્યતા પર ફિલ્મ બનાવવા માંગતા હતા. આ માટે તે પાકિસ્તાન પણ ગયા હતા પરંતુ તેને પરવાનગી આપવામાં આવી ન હતી. રાજામૌલીને આનંદ મહિન્દ્રાએ એ જમાના પર ફિલ્મ બનાવવાની વિનંતી કરી હતી.

'બાહુબલી' અને આરઆરઆર જેવી ફિલ્મો સાથે એસએસ રાજામૌલીએ ભારતીય સિનેમાના ઈતિહાસને એક ઊંચાઈ પર લઈ ગયા છે. જ્યાં તેનું કદ ખૂબ વધી ગયું છે. ઈતિહાસ રચીને તે ઓસ્કરને દેશમાં લાવવામાં સફળ થયા છે. દરેક ભારતીય જાણે છે કે તેની ફિલ્મો દરેક એંગલથી કેટલી અદ્ભુત છે. દર્શકો તેમની આગામી ફિલ્મની આતુરતાથી રાહ જોઈ રહ્યા હોય છે અને આ દરમિયાન તેમણે એવો ચોંકાવનારો ઘટસ્ફોટ કર્યો છે. જેનાથી સિનેમાપ્રેમીઓ અને દરેક દેશવાસીઓના ગુસ્સાનો પારો વધી શકે છે. રાજામૌલી ભારતની પ્રાચીન સંસ્કૃતિઓમાંની એક સિંધુ ઘાટી સભ્યતા પર ફિલ્મ બનાવવાના હતા, પરંતુ પાડોશી દેશ પાકિસ્તાન તેમના આ શાનદાર વિચારના માર્ગમાં આડું આવ્યું. આ વાતનો ખુલાસો ખુદ ફિલ્મમેકરે સોશિયલ મીડિયા પર કર્યો છે. આવો તમને આ સમગ્ર મામલા વિશે જણાવીએ.

These are amazing illustrations that bring history alive & spark our imagination. Shoutout to @ssrajamouli to consider a film project based on that era that will create global awareness of that ancient civilisation…😊 https://t.co/ApKxOTA7TI

— anand mahindra (@anandmahindra) April 29, 2023

બિઝનેસમેન અને મહિન્દ્રા ગ્રુપના ચેરમેન આનંદ મહિન્દ્રાએ રવિવારે એક ટ્વીટ રીટ્વીટ કર્યું હતું. જેમાં હડપ્પા, મોહેંજોદડો, કાલીબંગા અને લોથલ સહિત સિંધુ ખીણની સંસ્કૃતિના પ્રાચીન શહેરની સુંદર ઝલક (ચિત્ર) જોવા મળી હતી. આને શેર કરતાં આનંદ મહિન્દ્રાએ કેપ્શનમાં લખ્યું, 'આ અદ્ભુત ચિત્રો છે, જે ઈતિહાસને જીવંત કરે છે અને આપણી કલ્પનાને જાગૃત કરે છે.' પોતાના ટ્વીટમાં એસએસ રાજામૌલીને ટેગ કરતાં આનંદ મહિન્દ્રાએ આગળ લખ્યું, 'તે યુગ પર આધારિત એક ફિલ્મ પ્રોજેક્ટ પર વિચાર કરો, જે પ્રાચીન સંસ્કૃતિ વિશે વૈશ્વિક જાગૃતિ પેદા કરશે.'

એસએસ રાજામૌલીને મોહેંજોદડો જવાની પરવાનગી ના મળી

એસએસ રાજામૌલીએ આનંદ મહિન્દ્રાના આ ટ્વીટનો જવાબ આપ્યો અને ચોંકાવનારી વાત જણાવી કે કેવી રીતે થોડા વર્ષો પહેલા તેમને પાકિસ્તાનમાં મોહેંજોદડો જવાની પરવાનગી આપવામાં આવી ન હતી. તેમણે લખ્યું, 'હા સર... ધોળાવીરામાં 'મગધીરા'ના શૂટિંગ દરમિયાન મેં એક ઝાડ જોયું કે તે અશ્મિમાં ફેરવાઈ ગયું હતું. મેં તે વૃક્ષ દ્વારા વર્ણવેલ સિંધુ ખીણની સંસ્કૃતિના ઉદય અને પતન પર એક ફિલ્મ વિશે વિચાર્યું !!! થોડા વર્ષો પછી પાકિસ્તાન ગયા. મોહેંજોદડો જવાનો ઘણો પ્રયત્ન કર્યો. દુર્ભાગ્યે, પરવાનગી નકારવામાં આવી હતી.'

Yes sir… While shooting for Magadheera in Dholavira, I saw a tree so ancient that It turned into a fossil. Thought of a film on the rise and fall of Indus valley civilization, narrated by that tree!!

Visited Pakistan few years later. Tried so hard to visit Mohenjodaro. Sadly,… https://t.co/j0PFLMSjEi

— rajamouli ss (@ssrajamouli) April 30, 2023

સિંધુ ખીણની સંસ્કૃતિ એ વિશ્વની પ્રાચીન સંસ્કૃતિઓમાંની એક 

મોહેંજોદરો એ પાકિસ્તાનમાં સિંધુ નદીના કિનારે એક વિશ્વ ધરોહર સ્થળ છે, જેમાં સિંધુ ખીણની સંસ્કૃતિના અવશેષો છે. કહેવાય છે કે આ શહેરની શોધ 100 વર્ષ પહેલા થઈ હતી. ચાહકોનું કહેવું છે કે જો રાજામૌલી આ પ્રાચીન સભ્યતા પર ફિલ્મ બનાવે તો તેનો અનુભવ ખરેખર શાનદાર હશે અને લોકોને ઘણું જાણવાનો મોકો મળશે. જો કે, આશુતોષ ગોવારીકરે બોલિવૂડમાં આ પહેલા એક પીરિયડ મૂવી બનાવી છે, જેમાં આ પ્રાચીન સભ્યતાની ઝલક જોવા મળે છે. એ અલગ વાત છે કે આ ફિલ્મને દર્શકોનો પ્રેમ નહોતો મળ્યો.

રાજામૌલી મહેશ બાબુ સાથે બનાવી રહ્યા છે ફિલ્મ 

એસએસ રાજામૌલીની આગામી ફિલ્મો વિશે વાત કરીએ તો તે સાઉથના પ્રખ્યાત અભિનેતા મહેશ બાબુ સાથે SSMB29 ફિલ્મ લઈને આવી રહ્યો છે. અત્યાર સુધી પ્રાપ્ત માહિતી અનુસાર આ એક મોટા બજેટની ફિલ્મ છે, જેની વાર્તા 'રામાયણ' સાથે સંબંધિત હોઈ શકે છે.