અનૂપ જલોટા સાથેના અફેરને લઇને જસલીનના પિતાએ આપ્યુ આ નિવેદન, જાણો શું કહ્યું

ઉંમરને લઇને જસલીને કહ્યું હતું કે, ઉંમર મારા માટે મહત્વ નથી રાખતી. ઉલ્લેખનીય છે કે, અનૂપ જલોટા 65 વર્ષના છે જ્યારે જસલીન 28 વર્ષની છે. બન્ને વચ્ચે 37 વર્ષની એજ ગેપ છે.

આ અગાઉ જસલીને કહ્યું કે, અમે બન્ને એકબીજાને છેલ્લા સાડા ત્રણ વર્ષથી ડેટ કરી રહ્યાં હતાં, અને આના વિશે અમારા ઘરવાળાઓને પણ ખબર ન હતી. એટલે આ વાત તેમના માટે શૉકિંગ બની જશે.

જસલીને પહેલા કહ્યું હતું કે, અમે બન્ને બિઝી શિડ્યૂલના કારણે સાથે રહી શકતા નથી, પણ બિગ બૉસના ઘરમાં સાથે રહેવાનો મોકો મળશે. ત્યારબાદ અમે બન્ને લગ્નને લઇને નિર્ણય કરીશું.

મુંબઇઃ બિગ બૉસ 12માં અનૂપ જલોટા અને જસલીન મથારુના રિલેશનશિપ અને અફેર ઘરની અંદર અને બહાર ચર્ચાનો વિષય બન્યુ છે. બિગ બૉસના પ્રીમિયરથી લોકોએ આ રિલેશનશિપનો સ્વિકાર કરી લીધો છે. આ પહેલા જસલીને કહ્યું હતું કે આના વિશે ઘરવાળાઓને પણ ખબર ન હતી, હવે જસલીનના પિતાએ મૌન તોડ્યુ છે.

એક મીડિયા સાથેની વાતચીતમાં જસલીનના પિતાએ કહ્યું કે, આ સમાચાર અમારા માટે એકદમ શૉકિંગ છે. જોકે, જ્યાં સુધી હુ તેને મળી ના લઉં ત્યાં સુધી તેની પર્સનલ લાઇફ પર કોઇ કૉમેન્ટ નથી કરવા માંગતો. તે અત્યારે બિગ બૉસ 12માં છે અને હું અત્યારે માત્ર એટલું જ કહેવા માગીશ કે તે પૉઝિટીવ રહે અને શૉની વિજેતા બનીને આવે.