સલમાન ખાનના બોડીગાર્ડ ‘શેરા’ની રાજનીતિમાં એન્ટ્રી, આ પાર્ટીમાં થયો સામેલ

શુક્રવારે પાર્ટી પ્રમુખ ઉદ્ધવ ઠાકરે અને યુવા સેના અધ્યક્ષ આદિત્ય ઠાકરેની હાજરીમાં શેરા સામેલ થયો છે.

મુંબઈઃ મહારાષ્ટ્રની વિધાનસભા ચૂંટણીમાં પ્રચાર માટે શનિવારે અંતિમ દિવસ છે. પ્રચારના અંતિમ પળોમાં રાજકીય પાર્ટીઓ વોટર્સને પોતાની તરફ આકર્ષિત કરવા માટે સંપૂર્ણ જોર અજમાવી રહી છે. ત્યારે બોલિવૂડના દબંગ એક્ટર સલમાન ખાનનો બોડીગાર્ડ શેરા શિવસેનામાં શામેલ થઈ ગયો. શુક્રવારે પાર્ટી પ્રમુખ ઉદ્ધવ ઠાકરે અને યુવા સેના અધ્યક્ષ આદિત્ય ઠાકરેની હાજરીમાં શેરા સામેલ થયો છે. શિવસેનાએ તેના ઓફિશિયલી ટ્વિટર પર જાહેરાત કરી છે. ટ્વિટર પર મરાઠી ભાષામાં લખ્યું છે. શેરાનું રિયલ નામ ગુરમીત સિંહ જોલી છે. શેરા એભિનેતા સલમાન ખાનનો મુખ્ય બોડીગાર્ડ છે.

अभिनेते सलमान खान जी यांचे निष्ठावंत व विश्वासू गुरमीत सिंग उर्फ शेरा जी यांनी आज मातोश्री निवासस्थानी येथे शिवसेना पक्षप्रमुख मा. श्री. उद्धव साहेब ठाकरे आणि युवासेनाप्रमुख @AUThackeray यांच्या उपस्थितीत शिवसेनेत जाहीर प्रवेश केला. pic.twitter.com/UQ2YN4CAnp

— ShivSena - शिवसेना (@ShivSena) October 18, 2019

પોસ્ટ કરવામાં આવેલ તસવીરમાં જોઈ શકાય છે કે શેરાએ ભગવા રંગનો ખેસ ધારણ કર્યો છે. આ સાથે જ તેના હાથમાં તલવાર છે. જણાવી દઈએ કે મહારાષ્ટ્રમાં શિવસેના અને બીજેપી સાથે મળીને ચૂંટણી લડી રહ્યા છે. શેરાને પાછલા 22 વર્ષોથી સલમાનનો સૌથી ભરોસાપાત્ર બોડીગાર્ડ મનાય છે. તેનું અસલી નામ ગુરમીત સિંહ જોલી છે. મહારાષ્ટ્રમાં 21 ઓક્ટોબરના દિવસે વિધાનસભાની ચૂંટણી છે. 24 ઓક્ટોબરના રોજ પરિણામ જાહેર કરવામાં આવશે. 288 સભ્યો વાળી મહારાષ્ટ્ર વિધાનસભાની ચૂંટણીનો મુકાબલો સત્તાધારી બીજેપી-શિવસેના ગઠબંધન અને કોંગ્રેસ-એનસીપી ગઠબંધન વચ્ચે. 124 સીટ પર શિવસેના અને બાકી 164 સીટો પર બીજેપી અને તેનું સહયોગી દલના ઉમેદવાર મેદાનમાં છે. મહારાષ્ટ્રમાં લગભગ 8.94 કરોડ મતદાતા છે.