KBC-14 : જાણો કૌન બનેગા કરોડપતિ-14ની અંતિમ તારીખ, તેની વિજેતા, મહેમાનો સહિતની રસપ્રદ વિગતો
આ શો ભારતીય લોકોમાં આટલો લોકપ્રિય હોવાનું એક કારણ તેના ફોર્મેટ ઉપરાંત શોના હોસ્ટ અભિતાભ બચ્ચન છે જેની જાદુઈ આભા અને તેમનું આકર્ષણ.
Kaun Banega Crorepati 14 Finale : બ્રિટિશ ક્વિઝ રિયાલિટી શો "હૂ વોન્ટ્સ ટુ બી અ મિલિયોનેર?" પર આધારિત સોની ટીવીનો લોકપ્રિય શો કૌન બનેગા કરોડપતિ તેની 14મી સીઝન સાથે પ્લેટફોર્મ પર બિગ બી એટલે કે અમિતાભ બચ્ચન શોના હોસ્ટ તરીકે ફરી એકવાર કમબેક કર્યું છે. વર્ષ 2000માં તેની શરૂઆત થઈ ત્યારથી જ KBC દરેક ભારતીય ઘરમાં સૌથી પ્રિય શોમાંનો એક બની ગયો છે. દરેક વ્યક્તિ રાત્રિભોજન કરતી વખતે રાત્રે શો જોવાનું ખુબ પસંદ કરે છે.
આ શો ભારતીય લોકોમાં આટલો લોકપ્રિય હોવાનું એક કારણ તેના ફોર્મેટ ઉપરાંત શોના હોસ્ટ અભિતાભ બચ્ચન છે જેની જાદુઈ આભા અને તેમનું આકર્ષણ. બિગ બીની રમૂજ, છટા, પ્રેક્ષકો સાથેનો સંવાદ અને સહભાગીઓનું મનોરંજન કરવાની રીત છે.
અગાઉની તમામ સિઝનની માફક KBCની વર્તમાન સિઝન પણ ભારતના ટોચના રિયાલિટી શોની યાદીમાં સામેલ છે. તેણે અત્યાર સુધીમાં (20 ઓક્ટોબર સુધી) 54 સીઝન પૂર્ણ કરી છે. KBC-14એ 7 ઓગસ્ટ, 2022ના રોજ સોની ટીવી પર પ્રસારિત થવાનું શરૂ થયું હતું.
KBC-14માં અત્યાર સુધીમાં થયેલા ફેરફારો
KBCની આ 14મી સિઝનમાં શોમાં ઘણા મોટા ટ્વિસ્ટ જોવા મળ્યા હતા. ટોચનું ઇનામ વધારીને રૂ. 7.5 કરોડ જે આઝાદી કા અમૃત મહોત્સવ અથવા ભારતના 75મા સ્વતંત્રતા દિવસની ઉજવણી માટે ઉપરાંત એક રસપ્રદ ફેરફારમાં પ્રશ્નોની સંખ્યા 15 થી વધારીને 17 કરવામાં આવી છે, જે વૈશ્વિક મિલિયોનેર ફ્રેન્ચાઇઝી માટે પહેલવહેલું છે.
અગાઉની સીઝનથી વિપરીત આખી રમત દરમિયાન માત્ર 3 લાઇફલાઇન્સનો ઉપયોગ કરવામાં આવ્યો છે, કારણ કે નિષ્ણાતની સલાહ અને ફ્લિપ-ધ-ક્વેશ્નનું સ્થાન "વિડીયો કોલ અ ફ્રેન્ડ"એ લીધું હતું. અન્ય બે લાઇફલાઇન્સ 50:50 અને ઓડિયન્સ પોલ છે.
KBC સિઝન 14ની અંતિમ તારીખ
ચાલુ સિઝનનું પ્રીમિયર શરૂ થયાને લગભગ અઢી મહિના થઈ ગયા છે. સૂત્રોના જણાવ્યા અનુસાર, આ સિઝનનો ફિનાલે 101 એપિસોડ પૂરા કર્યા બાદ 23 ડિસેમ્બર, 2022ના રોજ પ્રસારિત થશે. આ સીઝન 33માં એપિસોડમાં અત્યાર સુધીની તેની પ્રથમ અને એકમાત્ર વિજેતા છે અને તે મહારાષ્ટ્રની કવિતા ચાવલા છે, જેણે રૂ. 1 કરોડ જીત્યા હતાં. તે 17માં પ્રશ્ન સુધી પહોંચનાર વિશ્વભરમાં પ્રથમ સ્પર્ધક પણ બની હતી.
KBC સિઝન 14ના અંતિમ મહેમાનો
શોના પ્રથમ એપિસોડમાં બોલિવૂડ અભિનેતા આમિર ખાન, મેજર ડી.પી. સિંહ અને કર્નલ મિતાલી મધુમિતા તેમજ ભારતના સ્ટાર ફૂટબોલર અને બોક્સર અનુક્રમે સુનીલ છેત્રી અને મેરી કોમ હોટ સીટ પર રહ્યાં હતાં.
હવે ફિનાલેના મહેમાનોની વાત કરીએ તો આ અંગે નિર્માતાઓ તરફથી કોઈ સત્તાવાર જાહેરાત કરવામાં આવી નથી. આગામી દિવસોમાં તેની જાહેરાત કરવામાં આવે તેવી ધારણા છે.
ટ્રેન્ડિંગ સમાચાર
ટોપ સ્ટોરી
