વધુ એક સ્ટાર કિડ કરી રહ્યો છે બોલિવૂડમાં ડેબ્યૂ, પિતાએ કર્યા'તા 4 લગ્ન

ઘણા ઓછા લોકો જાણે છે કે રોહન, વિનોદ મેહરાની ત્રીજી પત્ની કિરણનો દીકરો છે. વાસ્તવમાં વિનોદે પોતાની માતાની મર્જીથી મીના બ્રોકા સાથે અરેન્જ મેરેજ કર્યા હતા. લગ્નના અમુક સમય બાદ જ તેને હાર્ટ અટેક આવ્યો હતો. પરણિત હોવા છતાં વિનોદનું અફેર બિંદિયા ગોસ્વામી સાથે રહ્યું અને તેમણે લગ્ન પણ કરી લીધા. જોકે આ સંબંધનો 4 વર્ષમાં જ અંત આવ્યો. બિંદિયાએ પછી ફિલ્મ ડિરેક્ટર જેપી દત્તા સાથે લગ્ન કર્યા જ્યારે વિનોદે કિરણ સાથે લગ્ન કર્યા હતા. કિરણથી વિનોદને દીકરી સોનિયા અને દીકરો રોહન નામના બાળકો છે. પતિના નિધન બાદ કિરણ બાળકો સાથે કેન્યા શિફ્ટ થઈ ગઈ હતી. યાસિર ઉસ્માનના પુસ્તક ‘રેખાઃ એન અનટોલ્ડ સ્ટોરી’માં જણાવ્યાં અનુસાર વિનોદ મેહરાએ રેખા સાથે પણ લગ્ન કર્યા હતા.

રોહન અને તારા એકબીજાને 2015થી ડેટ કરી રહ્યાં છે. તેઓ પાર્ટી અને તેહવારો પર સાથે જોવા મળે છે. ઉલ્લેખનીય છે કે, ધર્મા પ્રોડક્શન અને પુનીત મલ્હોત્રાના ડિરેક્શનમાં બની રહેલી તારાની ડેબ્યૂ ફિલ્મ 23 નવેમ્બર 2018ના અને રોહનની ફિલ્મ 26 ઓક્ટોબર 2018ના રીલિઝ થઈ રહી છે.