જ્યારે Laxmi Mittalએ દીકરીના લગ્નમાં વહાવ્યા હતા પાણીની જેમ કરોડો રૂપિયા, દેશના સૌથી મોંઘા લગ્નમાં જામ્યો હતો સ્ટાર્સનો જમાવડો
Laxmi Mittal Daughter Wedding:લક્ષ્મી મિત્તલે તેમની દીકરી વનિષા મિત્તલના લગ્નમાં પાણીની જેમ પૈસા ખર્ચ્યા હતા. ઇતિહાસમાં આ બીજા સૌથી મોંઘા લગ્ન હોવાનું કહેવાય છે. જોકે વનિષાએ 2014માં છૂટાછેડા લીધા હતા.
Laxmi Mittal Daughter Wedding: સ્ટીલ ઉદ્યોગપતિ લક્ષ્મી મિત્તલે વર્ષ 2004માં તેમની પુત્રી વનિષા મિત્તલના ખૂબ જ ધામધૂમથી લગ્ન કર્યા હતા. લક્ષ્મી મિત્તલે પોતાની દીકરીના લગ્ન પેરિસમાં કર્યા હતા, જેમાં 240 કરોડ રૂપિયાનો ખર્ચ કર્યો હતો. કહેવાય છે કે આ દેશના બીજા સૌથી મોંઘો લગ્ન છે. વનિષાના લગ્ન પેરિસના વોક્સ લે વિઓકોમ્ટે પેલેસમાં થયા હતા. જે સત્તરમી સદીમાં બંધાયો હતો. 6 દિવસ સુધી ચાલનારા આ ભારતીય લગ્નના આયોજન માટે ફ્રેન્ચ સરકારે પણ મદદનો હાથ લંબાવવો પડ્યો હતો.
વનિષાના લગ્ન અમિત ભાટિયા સાથે થયા હતા અને આ લગ્નમાં મુંબઈથી લઈને મેનહટન સુધીની જાણીતી હસ્તીઓએ હાજરી આપી હતી.વિખ્યાત ડિઝાઈનર, મહેંદી કલાકારો અને પ્રખ્યાત રસોઈયાએ વનીષાના લગ્નમાં હાજરી આપી હતી. આટલું જ નહીં લક્ષ્મી મિત્તલની દીકરીના લગ્નમાં એન્ટરટેઈનર્સ અને બોલિવૂડ સેલિબ્રિટીઓને પણ આમંત્રિત કરવામાં આવ્યા હતા. ધ ગાર્ડિયનના જણાવ્યા અનુસાર આ ખર્ચાળ લગ્નમાં દસ હજાર મહેમાનો આવ્યા હતા.
ફરાહે ડાન્સ શીખવ્યો, જાવેદ અખ્તરે સ્ક્રિપ્ટ લખી
હવે સવાલ એ છે કે લક્ષ્મી મિત્તલે પોતાની દીકરીના લગ્ન માટે 240 કરોડ રૂપિયા ક્યાં ખર્ચ્યા? કોરિયોગ્રાફર ફરાહ ખાનની ટીમને વનિષા મિત્તલના લગ્નમાં ડાન્સ શીખવવા માટે બોલાવવામાં આવી હતી. એટલું જ નહીં સ્ક્રિપ્ટ રાઈટર અને ગાયક જાવેદ ખાને મિત્તલ પરિવાર માટે એક નાટક લખ્યું હતું જેમાં પરિવારના સભ્યોએ પાત્રો ભજવ્યા હતા. તે જ સમયે અમેરિકન સિંગર કાઈલી મિનોગ પણ લગ્નમાં પહોંચી હતી, જેણે પોતાના એક કલાકના પરફોર્મન્સ માટે એક કરોડ રૂપિયા ફી તરીકે લીધા હતા.
સેલેબ્સે આટલા પૈસા વસૂલ્યા
જુહી ચાવલા, રાની મુખર્જી, ઐશ્વર્યા રાય, સૈફ અલી ખાન અને શાહરૂખ ખાન પણ લક્ષ્મી મિત્તલની પુત્રીના લગ્નમાં ગયા હતા, જેમણે તેમના પરફોર્મન્સ માટે 2.5 કરોડ રૂપિયા લીધા હતા. લગ્નમાં મહેમાનોને રોયલ શાકાહારી ભોજન પીરસવામાં આવ્યું હતું. આ માટે કોલકાતાના પ્રખ્યાત ભારતીય શેફ મુન્ના મહારાજને પેરિસ બોલાવવામાં આવ્યા હતા. આવા શાહી અંદાજમાં થયેલા લગ્ન ભાગ્યે જ કોઈ ભૂલી ગયા હશે. પરંતુ દુઃખની વાત એ છે કે લક્ષ્મી મિત્તલની દીકરીના લગ્ન માત્ર 10 વર્ષ જ ટકી શક્યા અને વનિષા અને અમિત ભાટિયાના 2014માં છૂટાછેડા થઈ ગયા.
લક્ષ્મી મિત્તલ વિશ્વના ટોચના ધનિક ઉદ્યોગપતિઓમાંના એક છે જેઓ વિશ્વની સૌથી મોટી સ્ટીલ કંપની આર્સેલર મિત્તલના ચેરમેન અને સીઈઓ છે. જણાવી દઈએ કે મિત્તલ એવા પહેલા ભારતીય છે જે 2005માં ફોર્બ્સની યાદીમાં વિશ્વના ત્રીજા સૌથી અમીર વ્યક્તિ બન્યા હતા.
ટ્રેન્ડિંગ સમાચાર
ટોપ સ્ટોરી
