એપલે Touch Barની સાથે લોન્ચ કર્યું નવું મેકબુક પ્રો, જાણો શું છે કિંમત અને ફીચર્સ

એપલે પોતાની પ્રથમ પાવરબુકની 25મી વર્ષગાંઠ પર મેકબુક પ્રોનું લેટેસ્ટ મોડલ અમેરિકામાં લોન્ચ કર્યું છે. નવા મેકબુક પ્રોમાં સંપૂર્ણ નવી ડિઝાઈન, ફાસ્ટ સ્પીડ અને મલ્ટી ટચ સ્ક્રીન આપવામાં આવી છે. તેને 13 ઇંચ અને 15 ઇંચ સ્ક્રીનવાળા બે વેરિઅન્ટમાં ઉતારવામાં આવ્યું ચે અને અનુમાન છે કે ત્રણ સપ્તાહની અંદર અમેરિકામાં તેનું વેચાણ થવા લાગશે. તેની કિંમત 1799 ડોલરથી લઈને 2399 ડોલર આસપાસ રહેશે. ટચ બાર અને ટચ આઈડીવાળા 13 ઇંચ મેકબુક પ્રોની ભારતમાં શરૂઆતની કિંમત 155900 રૂપિયા અને 15 ઇંચવાળા મોડલની શરૂાતની કિંમત 205900 રૂપિયા હશે.

અન્ય ફીચર્સની વાત કરીએ તો તેમાં 6th જનરેશનવાળું ઇન્ટેલ કોર i5 અને i7 સીપીયૂ, 8 જીબી અને 16 જીબીની રેમ અને 256 જીબીની સ્ટોરેજ આપવામાં આવી છે. 13 ઇંચ મોડલનું સ્ક્રીન રિઝોલ્યૂશન 2560X1600 છે, જેમાં ઇન્ટેલ આઈરિસ 540 ગ્રાફિક્સનો ઉપયોગ કરવામાં આવ્યો છે. જ્યારે 15 ઇંચ મોડલરનું સ્ક્રીન રિઝોલ્યૂશન 2880X1800, જેમાં AMD Radeon પ્રો ગ્રાફિક્સ આપવામાં આવ્યા છે. કનેક્ટિવિટીની વાત કરીએ તો નવા એપલ મેકબુક પ્રો મોડલોમાં તમામ સ્ટાન્ડર્ડ પોર્ટ્સ જેમ કે થન્ડરબોલ્ટ (4), USB 3.1 ઝેન 2, ડિસ્પ્લે પોર્ટ 1.2, HDMI, Wi-Fi અને વીજીએને સપોર્ટ કરે છે.