ચોરાયેલ ફોનની સેવા થશે બ્લોક, મોબાઈલ ચોરી પર આવશે અંકુશ

સીઇઆઇઆરને તમામ મોબાઇલ ઓપરેટરોના IMEI ડેટાબેઝ સાથે કનેક્ટ કરાશે. સીઈઆઈઆર તમામ મોબાઇલ નેટવર્ક માટે સેન્ટ્રલ સિસ્ટમ તરીકે કામ કરશે. સિસ્ટમ હેઠળ નોંધાયેલા મોબાઇલ ફોનમાં કોઈ પણ કંપનીનું સિમકાર્ડ ચાલશે નહીં. IMEI નંબર બદલ્યા પછી પણ કેટેગરીના મોબાઇલ કામ કરશે નહીં. સીઆઇઆર મોબાઇલ ઓપરેટરોને નકલી IMEI નંબર પારખવામાં પણ મદદ કરશે.

15 આંકડાનો IMEI નંબર આંતરરાષ્ટ્રીય સંસ્થા જીએસએમએ દ્વારા ફાળવવામાં આવે છે. મોબાઇલ ચોરાઈ જાય કે ગુમ થાય તો મોબાઇલધારકે નંબર દર્શાવવો ફરજિયાત છે. ટેલિકોમ મંત્રાલય ટૂંક સમયમાં એવો નિયમ લાગુ કરશે જેના હેઠળ IMEI નંબર સાથે ચેડાંને સજાપાત્ર ગુનો ગણાશે અને દોષીને ત્રણ વર્ષ સુધીની જેલની સજા થઈ શકશે.