કોંગ્રેસમાં ફરી ભડકોઃ રાજીવ સાતવે બોલાવેલી બેઠકમાં 10 ધારાસભ્યો ગેરહાજર, જાણો કોણ કોણ ના આવ્યા ?

આ બેઠકમાં અલ્પેશ ઠાકોર, ભરત ઠાકોર, પ્રતાપ દૂઘાત, સંતોકબેન આરેઠિયા, વિક્રમ માડમ, રાજેન્દ્ર પરમાર, ગ્યાસુદીન શેખ, હિમ્મતસિંહ પટેલ ગેરહાજર રહ્યા હતા. એકતા યાત્રાના કારણે કોંગ્રેસની આજની બેઠકમાં અલ્પેશ અને ભરતજી ઠાકોર ગેરહાજર રહ્યા હોવાનું કારણ અપાયું હતું.

બીજી તરફ અલ્પેશ ઠાકોરના સાથી અને બાયડના ધારાસભ્ય ધવલસિંહ ઝાલા હાજર રહ્યા હતા. ધવલસિંહ હાજર રહી શકે તો અલ્પેશ અને ભરતજી ઠાકોર કેમ હાજર ના રહી શકે એવો સવાલ પણ કોંગ્રેસની આ બેઠકમાં પૂછાતો હતો પણ કોંગ્રેસના નેતાઓએ ચૂપકીદી સાધી હતી.