પરષોતમ સોલંકી ફરી બગાવતના મૂડમાં, ભાજપ હાઈકમાન્ડને દોઢ મહિનાનો સમય આપી શું આપી ચીમકી ? જાણો વિગત

સોલંકીને થયેલા અન્યાયના મામલે કોળી સમાજની મહિલાઓ પણ આગળ આવી છે. કોળી મહિલાઓના માંધાતા ગ્રુપે સોમવાર ને 12 ફેબ્રુઆરીએ સોલંકીના ગાંધીનગર ખાતેના નિવાસસ્થાનેથી કોળી અધિકાર રેલી યોજવાની તૈયારી પણ કરી લીધી હતી પણ સમાજના આગેવાનોએ ના પાડતાં આ રેલી રદ કરાઈ છે.

સોલંકીની વાત માનીને કોળી સમાજે હમણાં યુધ્ધવિરામ કર્યો છે. સાથે સાથે તેમણે સ્પષ્ટ કર્યું છે કે, સોલંકીએ આપેલા અલ્ટીમેટમનો સમય પૂર્ણ થાય છતાં તેમની માંગણી સ્વિકારાશે નહીં તો અન્યાય સામે મોરચો માંડીશું. કોળી સમાજના આગેવાનો શક્તિપ્રદર્શન કરીને ગાંધીનગરમાં રેલી કરશે.