આ ચાર મહિલાઓને ભાજપમાંથી મળી ટિકિટ, ઓળખો કોણ છે આ ચાર મહિલાઓ, જાણો વિગતે

સુરતના લિંબાયત સીટ પરથી સંગીતા પાટીલને ટિકિટ આપવામાં આવી છે. સંગીતા પાટીલ 2012માં અહીંથી ચૂંટણી લડ્યા હતા અને વિજય મેળવ્યો હતો. જોકે તે સમયે સંગીતા પાટીલની પાંચ વર્ષમાં અડધો અડધ સંપત્તિમાં વધારો જોવા મળ્યો હતો આવા મેસેજ સોશિયલ મીડિયામાં ફરતા થયા જેના કારણે ચર્ચામાં આવ્યા હતા.

અમદાવાદ: છેલ્લા એક અઠવાડિયાથી ગુજરાત વિધાનસભા ચૂંટણીને લઈને ચર્ચાઓ ચાલી રહી હતી કે કોણ પહેલા ઉમેદવારોની જાહેર કરશે જોકે તેનો શુક્રવારે અતં આવી ગયો હતો. ભાજપે 70 ઉમેદવારોની યાદી જાહેર કરી હતી. જેમાં મોટા ભાગના ઉમેદવારોને રીપિટ કરવામાં આવ્યા હતાં. જ્યારે કોંગ્રેસમાંથી બળવો કરીને ભાજપમાં જોડાયેલા નેતાઓ પણ ભાજપમાંથી ટિકિટ આપવામાં આવી છે. જ્યારે 70 ઉમેદવારોની પ્રથમ યાદીમાં ફક્ત 4 મહિલાઓને જ ટિકિટ આપવામાં આવી છે. જેમાં રમીલાબેન બારા ખેડબ્રહ્માથી ચૂંટણી લડશે. વિભાવરીબેન દવે ભાવનગર પૂર્વથી ચૂંટણી લડશે. વડોદરા શહેરમાંથી મનીષા વકીલને ટિકિટ આપવામાં આવી છે. જ્યારે સંગીતા પાટીલને સુરતના લિંબાયતમાંથી ટિકિટ આપવામાં આવી છે.