દક્ષિણ ગુજરાતમાં વરસાદનો બીજો રાઉન્ડ શરૂ, કઈ તારીખે પડી શકે છે ભારે વરસાદ, જાણો વિગત

ગરમીનો પારો વધી જતાં ચોમાસામાં પણ ગરમી જેવો માહોલ સર્જાયો છે. નબળી પડેલી વરસાદી સિસ્ટમ 6 ઓગસ્ટેથી ગુજરાતમાં ફરી સક્રિય થવાની હવામાન વિભાગે આગાહી કરી છે અને સમગ્ર રાજ્યમાં ભારેથી અતિભારે વરસાદ પડવાની શક્યતા દર્શાવી છે.

હાલ ગુજરાતમાં વરસાદે વિરામ લીધો છે પરંતુ આગામી 48 કલાકમાં બંગાળની ખાડીમાં લો-પ્રેસર સક્રિય થશે, જેથી 24 કલાકમાં દેશના વિવિધ વિસ્તારોમાં મધ્યમથી ભારે વરસાદ પડી શકે છે. જ્યારે ગુજરાત સહિત પશ્ચિમનાં અન્ય રાજ્યોમાં 6 ઓગસ્ટ પછી ફરીથી ચોમાસું સક્રિય થવાની પ્રબળ શક્યતા છે.