ABP ન્યુઝ-સી વોટર સર્વે: 2019માં આ 5 રાજ્યોમાં ભાજપ-કોંગ્રેસને કેટલી-કેટલી બેઠકો મળી શકે છે? જાણો વિગત

નવી દિલ્હી: દેશમાં થનારી સામાન્ય ચૂંટણીમાં ગણતીરના જ દિવસો બાકી રહ્યાં છે ત્યારે સત્તાની ખુરશી મેળવવા માટે દરેક પાર્ટીઓએ સમીકરણ રચવાનું શરૂ કરી દીધું છે. ન્યૂઝ ચેનલ એબીપી ન્યૂઝ અને સી-વોટરના સર્વે અનુસાર આ વખતે કોઈપણ પાર્ટીને બહુમત નહીં મળે. સર્વે પ્રમાણે, એનડીએને ચૂંટણીમાં 233 સીટ મળી શકે છે જ્યારે યુપીએના ફાળે 167 સીટ મળે તેવી સંભાવના છે. અન્ય પાર્ટીઓ 143 સીટ પર જીત મેળવી શકે છે. જ્યારે ગુજરાતમાં ભાજપને કોઈ નુકસાન થતું હોય તેવું જોવા મળતું નથી.

આ જ રીતે પશ્ચિમ બંગાળમાં મમતા બેનર્જીનો જાદુ ફરીથી ચાલી શકે છે. જ્યાં તૃણમૂલ કોંગ્રેસ કુલ 42માંથી 34 સીટ જીતી શકે છે. જ્યારે એનડીએના ફાળે 7 સીટ આવી શકે છે. આ જ રીતે છત્તીસગઢમાં 11 લોકસભા સીટ છે. જેમાંથી એનડીએને પાંચ જ્યારે યુપીએને 6 પર જીત મળતી જોવા મળે છે.