જમ્મુ કાશ્મીરઃ મોબાઈલ ફોન માટે ઠપકો આપતા જવાને મેજરને ગોળીઓથી વીંધી નાખ્યા

સૂત્રોએ જણાવ્યું કે મેજર થાપાએ જવાનને ઢસડ્યો હતો અને તેને કહ્યું હતું કે સેન્સિટિવ વિસ્તારમાં ઓનડ્યૂટી સેલ ફોનનો ઉપયોગ કરવા માટે કમાન્ડિંગ ઓફિસરને તેનો રિપોર્ટ કરવામાં આવશે. ફોન જ્યારે જપ્ત કરવામાં આવ્યો ત્યારે તેને નુકસાન થયું હતું, જેના કારણે બંને વચ્ચે દલીલો થઇ હતી અને તે પછી જવાને એકે-47 રાઇફલથી ઓફિસર પર ગોળીઓ ચલાવી હતી.

સૂત્રોએ જણાવ્યું કે મેજર શિખર થાપા 71 આર્મર્ડ રેજિમેન્ટમાં હતા પરંતુ તેમણે 8 રાષ્ટ્રીય રાઇફલ્સ સાથે જોડવામાં આવ્યા હતા. 8 રાષ્ટ્રીય રાઇફલ્સ આર્મીનું એલિટ કાઉન્ટર-ઇન્સર્જન્સી યુનિટ છે, જેને ઉરીમાં એલઓસી પાસે તહેનાત કરવામાં આવ્યું છે. આર્મીના અધિકારીઓએ મેજર થાપાના મૃત્યુને કન્ફર્મ કર્યું છે અને કહ્યું છે કે આ બાબતની વિગતો મેળવવામાં આવી રહી છે.