ભાજપના ધારાસભ્યની ગુંડાગર્દી, પોલીસ સ્ટેશનમાં જઈ કોન્સટેબલને મારી થપ્પડ

આ ઘટના બાદ પોલીસે ફરીયાદ દાખલ કરી છે. ઉલ્લેખનિય છે કે પોલીસે પુરાવા અને સાક્ષી હોવા છતાં 12 કલાક બાદ ફરીયાદ દાખલ કરી છે. ફરીયાદ દાખલ થયા બાદ ભાજપના ધારાસભ્ય ચંપાલાલ દેવડાનો ફોન બંધ આવે છે અને તેમની ભાળ નથી મળી રહી.

ધારાસભ્ય ચંપાલા દેવડા પોતાના ભત્રીજા અને સમર્થકો સાથે ઉદયનગર પોલીસ સ્ટેશન પહોંચ્યા અને પોલીસ કોન્સટેબલને માર માર્યો. સીસીટીવી ફૂટેજમાં જોવા મળી રહ્યું છે કે આ દરમિયાન સ્ટાફ મુકપ્રેક્ષક બની બધું જોતો રહ્યો હતો. થપ્પડ ખાનારો કોન્સટેબલ પણ ચુપચાપ ઉભો રહ્યો હતો.