ઉ.ભારતમાં ભારે ધૂમ્મસ, દિલ્હી આવતી-જતી 12 ટ્રેનો રદ્દ-49 લેટ, વિમાની સેવા પણ ખોરવાઇ

રેલ મંત્રાલય દ્વારા મળેલી માહિતી અનુસાર, ધૂમ્મસના કારણે દિલ્હીમાં વિઝીબિલટી ખુબ ઓછી થઇ ગઇ છે, જેના કારણે દિલ્હીથી આવતી-જતી 12 ટ્રેનને કેન્સલ કરવામાં આવી છે, જ્યારે 49 ટ્રેનો અને 20 જેટલી ફ્લાઇટ્સ લેટ થઇ છે. ધૂમ્મસના કારણે સામાન્ય જનજીવન અને ટ્રાફિક પર અસર વર્તાઇ છે.

ઉપરાંત સબ હિમાલયન વેસ્ટ બંગાળ, આસામ, મેઘાલય, નાગાલેન્ડ, મણીપુર, મિઝોરમ, અને ત્રિપુરાના અલગ અલગ સ્થળે મધ્યમ ધૂમ્મસ તથા પશ્ચિમ બંગાળ, દક્ષિણ હરિયાણા અને ઉત્તર રાજસ્થાનમાં શીતલહેર ફરી વળી શકે છે.

હવામાન ખાતા અનુસાર, આજે પંજાબ, હરિયાણા, ચંદીગઢ, દિલ્હી, ઉત્તર પ્રદેશ અને ઉત્તર પશ્ચિમ ઝારખંડના જુદાજુદા વિસ્તારોમાં ધૂમ્મસભર્યું વાતાવરણ રહી શકે છે. બિહારની કેટલીક જગ્યાઓ પર આની અસર થઇ શકે છે.

નવી દિલ્હીઃ છેલ્લા ચાર-પાંચ દિવસથી દેશભરતમાં ભારે ઠંડી અને ધૂમ્મસનું વાતાવરણ પ્રસરી ગયું છે. ઉત્તર ભારતમાં ભારે ધૂમ્મસના કારણે જનજીવન અને ટ્રાફિક પર અસર વર્તાઇ છે, જેના કારણે કેટલીક ટ્રેનો અને ફ્લાઇટ્સને રદ્દ તથા લેટ કરવામાં આવી છે.