અમિત શાહે મહારાષ્ટ્રમાં શિવસેના સાથે છેડો ફાડવાના આપ્યા સંકેત, જાણો શું કહ્યું....

એનડીએના જૂથ શિવસેનાએ પહેલા અવિશ્વાસ પ્રસ્તાવના વિરોધમાં વોટ કરવાનું વ્હિપ જાહેર કર્યું હતું, પરંતુ પછી પાછું લઇ લીધું. ત્યારબાદ પાર્ટીએ અવિશ્વાસ પ્રસ્તાવ પર ચર્ચામાં હિસ્સો પણ લીધો ન હતો. શિવસેનાએ રાહુલ ગાંધીના લોકસભામાં આપવામાં આવેલા ભાષણના પણ વખાણ કર્યા હતા.

નવી દિલ્હીઃ ભાજપના અધ્યક્ષ અમિત શાહે મહારાષ્ટ્ર ભાજપના કાર્યકર્તાઓને કહ્યું કે, 2019માં લોકસભા ચૂંટણી એકલા હાથે લડવાની તૈયારી કરો. નોંધનીય છે કે, સંસદમાં અવિશ્વાસ પ્રસ્તાવ પર શિવસેનાએ સરકારનો સાથ આપ્યો ન હતો. શાહે કાર્યકર્તાઓને કહ્યું કે, તમામ સીટો પર એકલા હાથે ચૂંટણી લડવાની તૈયારી કરો. ટૂંકમાં જ ભાજપ 48 સીટો માટે પ્રભારીઓની જાહેરાત કરશે. શિવસેના પહેલા જ કરી ચૂકી છે કે તે એકલા હાથે ચૂંટણી લડશે.