રાજસ્થાનમાં BJPને ઝટકો, આ દિગ્ગજ નેતા કોંગ્રેસમાં થઈ શકે છે સામેલ, જાણો વિગત

માનવેન્દ્ર સિંહ બાડમેરના પચપદરામાં 22 સપ્ટેમ્બરના રોજ સ્વાભિમાન રેલી કરી રહ્યા છે. જેમાં તેમના સમર્થકો અને રાજપૂત સમુદાયના લોકો મોટી સંખ્યામાં સામેલ થઈ શખે છે. આ રેલી તેમની ભવિષ્યની રાજનીતિના રસ્તો નક્કી કરશે. માનવેન્દ્ર સિંહે કહ્યું કે લોકો જે નિર્ણય કરશે તેનું હું પાલન કરીશ. આ લોકતાંત્રિક ફેંસલો હશે.

જસવંત સિંહ અને સીએમ વસુંધરા રાજે વચ્ચે પહેલા સારા સંબંધો હતો પરંતુ છેલ્લા થોડા વર્ષોથી તેમાં ખટાશ આવી ગઈ છે. જેનું પરિણામ એ હતું કે 2014ની લોકસભા ચૂંટણીમાં બીજેપીએ બાડમેરમાં જસવંત સિંહને ટિકિટ આપવાના બદલે કર્નલ સોનારામ ચૌધરીને મેદાનમાં ઉતાર્યા હતા. જસવંતની ટિકિટ કપાવા પાછળ વસુંધરા રાજે મુખ્ય કારણ માનવામાં આવતી હતી.

માનવેન્દ્ર સિંહે તેના નજીકના અને સમર્થકો સાથે કોંગ્રેસમાં સામેલ થવાને લઈ ચર્ચા શરૂ કરી દીધી છે. હાલ બાડમેર અને જેસલમેર જિલ્લાનો પ્રવાસ કરી તેમના સમર્થકોનો મત જાણી રહ્યા છે.

બીજેપીમાંથી ટિકિટ ન મળ્યા બાદ જસવંત સિંહે અપક્ષ તરીકે ચૂંટણી લડી હતી. મોદી લહેર છતાં જસવંત સિંહ 4 લાખથી વધારે વોટ મેળવવામાં સફળ રહ્યા હતા. માનવેન્દ્રએ આ ચૂંટણીમાં પિતા સામે અને બીજેપી ઉમેદવાર સોનારામ ચૌધરી માટે ચૂંટણી પ્રચાર કરવાની ના પાડી હતી. જેના કારણે તેમણે ચૂંટણી બાદ બીજેપીની રાષ્ટ્રીય કાર્યકારિણીમાંથી બહાર કરવાની સાથે પાર્ટીમાંથી હાંકી કાઢવામાં આવ્યા હતા.

જયપુરઃ રાજસ્થાન વિધાનસભા ચૂંટણી નજીક આવતાંની સાથે જ અહીંના રાજકારણમાં પણ ગરમાવો આવી રહ્યો છે. બીજેપેના સંસ્થાપક સભ્ય અને અટલ સરકારમાં રક્ષામંત્રી રહેલા જસવંત સિંહના દીકરા માનવેન્દ્ર સિંહ કોંગ્રેસનો હાથ પકડી શકે છે. માનવેન્દ્ર હાલ બાડમેર જિલ્લાની શિવ વિધાનસભા સીટનો ધારાસભ્ય છે.