લગ્ન સમારોહમાં સાધ્વીએ કર્યું ફાયરિંગ, એક મહિલાનું મોત, ચાર લોકો ઘાયલ

કરનાલઃ હરિયાણાના કરનાલમાં એક કથિત સાધ્વીએ લગ્ન સમારોહમાં ફાયરિંગ કર્યું હતું. આ ફાયરિંગમાં એક મહિલાનું મોત થયું હતું અને ચાર લોકો ગંભીર રીતે ઘાયલ થયા હતા. ઘટના બાદ આરોપી સાધ્વી દેવા ઠાકુર અને તેના તમામ સુરક્ષા ગાર્ડ ફરાર થઇ ગયા હતા.

મોતનો ખેલ ખેલવાનો આરોપ સાધ્વી અને તેના સાથે આવેલા સિક્યુરિટી ગાર્ડ પર છે. લગ્ન સમારોહનું આયોજન કરનાલના સાવિત્રી પેલેસમાં કરવામાં આવ્યું હતું. પોતાની ઓળખ સાધ્વી તરીકે આપતી આ યુવતી 4 હથિયાર બંધ સુરક્ષાકર્મીઓ સાથે આવી હતી.

હત્યાની આરોપી 26 વર્ષિય દેવા ઠાકુર કરનાલમાં જ પોતાનો આશ્રમ ચલાવે છે. અને હિંદુ મહાસભાની પૂર્વ અધ્યક્ષા રહી ચુકી છે. સોશિય મીડિયા પર સાધ્વી દેવાની એવી ઘણી તસ્વીર છે જેમાં તે બંદુક સાથે નજર આવે છે. એટલુ જ નહિ તેને સોનાના ઘરેણાં અને લક્ઝરી કારનો પણ શોખ છે. આ પહેલા તે પોતાના નિવેદનોને લઇને ચર્ચામાં રહી ચૂંક છે. પરંતું હત્યાના આરોપ બાદ પોતાના સાથીયો સાથે ફરાર છે.

સાધ્વી દેવાએ ડાંસ ફ્લોર પર પહોંચીને પોતાની થેલીમાંથી પિસ્તોલ કાઢીને બે વાર ફાયરિંગ કર્યું હતું. આ દરમિયાન સાધ્વીના ગનમેન પણ ફાયરિંગ કરતા રહ્યા હતા કોઇને આ વાતથી કોઇ મતલબ નહોતો કે, આજુબાજુમાં ભીડ હતી. આ ફાયરિંગમાં 5 લોકો ઘાયલ થયા હતા. બાદમાં એક મહિલાનું હૉસ્પિટલમાં મોત થયું હતું.