ચેનલે કોમેડિયનને કહ્યું- ‘રાહુલ ગાંધીની મિમિક્રી કરો, મોદીની નહીં’

શ્યામને કહ્યું કે, તે બાળપણથી કૉમેડી કરી રહ્યો છે. તેણે કહ્યું કે, ‘એકવાર રાજસ્થાનના પીલીબંગામાં મોદીજી આવવાના હતા. હું પણ ત્યાં હતો. હું તેમનું મુખોટું પહેરી લીધી અને તેમના અવાજમાં બોલવાનું શરૂ કરી દીધું અને લોકોને મજા આવી ગઈ. ભાષણ આપી રહેલા ધારાસભ્યે પોલીસને કહી મને બેસાડી દીધો પણ લોકોએ મને ફરી ઊભો કરી દીધો.’

શ્યામનું કહેવું છે કે, તે યૂટ્યૂબ અને બીજા માધ્યમોથી તો લોકો સાથે જોડાયેલો છે જ પણ તેને ટીવી દ્વારા લોકો સાથે જોડાવું હતું, મોદીના અંદાજમાં જ તેણે લીક વીડિયો અંગે કેટલીક પંક્તિઓ કહી, ‘મિત્રો, આમ તો આ એક લીક વીડિયો છે, જેના પર હું ખુલીને કઈ નહીં કહી શકું, પણ જે કોઈએ આ વીડિયો લીક કર્યો છે, જ્યાંથી પણ લીક કરાયો છે તે મારા માટે બરાબર જ છે… કે અમારો તો એ વીડિયો તો વાયરલ થઈ રહ્યો છે.’ જ્યારે તેને સોનમ ગુપ્તા વિશે પૂછવામાં આવ્યું ત્યારે કહ્યું કે, ‘સૌથી પહેલા હું સોનમ ગુપ્તાનો ધન્યવાદ આપવા માગીશ, કારણ કે જો તે બેવફા ન થઈ હોત તો હું પણ વાયરલ ન થયો હોત.’