PICS: ટેલ્ગો ટ્રેને 12 કલાકથી ઓછા સમયમાં કાપ્યુ મુંબઈ-દિલ્લી વચ્ચેનું અંતર, જાણો ખાસ વાતો

હવે રેલવે આ ટ્રાયલ રનના સ્પીડ અને ટેક્નિકલ ટેસ્ટની સમીક્ષા કરીને નિર્ણય લેશે કે ટેલ્ગો કોચ ખરીદવા કે નહિ.

ઈંડિયન રેલવેએ ટેલ્ગો ટ્રેનનો સૌથી પહેલો ટ્રાયલ રન ઉ.પ્રમાં બરેલી-મુરાદાબાદ વચ્ચે કર્યો હતો. બીજો ટ્રાયલ રન પલવાલ-મથુરા વચ્ચે કરવામાં આવ્યો હતો.

નવ કોચની ટેલ્ગો ટ્રેનમાં બે એક્ઝેક્યુટિવ ક્લાસ કાર્સ, ચાર ચેર કાર, એક કેફેટેરિયા, એક પાવર કાર અને સ્ટાફ માટે એક ટેઈલ-એન્ડ કોચ છે.

મુંબઈ: આજે દિલ્લી-મુંબઈ વચ્ચે સ્પેનિશ ટ્રેન ટેલ્ગોએ ફાઈનલ ટ્રાયલ રન પૂરો કર્યો છે. 12 કલાકની અંદર આ મુસાફરી પૂરી કરીને નિયત કરેલા સમયમાં આ ટ્રાયલ રન પૂરો થયો છે.

મુંબઈ-દિલ્લી વચ્ચેના પાટા 1400 કિમી કવર કરે છે. હાલ રાજધાની એક્સપ્રેસ આ મુસાફરી 16 કલાકમાં પૂરી કરે છે.

ઈંડિયન રેલવે હવે મુંબઈ-દિલ્લી વચ્ચેના મુસાફરીના સમયને ચાર કલાક ઓછો કરવાનો લક્ષ્ય રાખે છે. જેથી સુપર ફાસ્ટ ટેલ્ગો ટ્રેનના ટ્રાયલ રન કરવામાં આવી રહ્યા છે. આ માટે એપ્રિલ મહિનામાં મુંબઈમાં સ્પેનિશ કંપની ટેલ્ગોએ નવ સુપર લાઈટ વેઈટ કોચ ઈમ્પોર્ટ કર્યા હતા. જે 200 કિમી પ્રતિ કલાકની ઝડપે દોડવાની ક્ષમતા ધરાવે છે.

આ ટેલ્ગો ટ્રેન દિલ્લીથી ગઈ કાલે બપોરે 2:45ના સમયે મુંબઈ માટે રવાના થઈ હતી. આજે સવારે 2:34 વાગ્યે મુંબઈ પહોંચી હતી.